ഉരുൾപൊട്ടൽ ദുരിതബാധിതർക്ക് ആശ്വാസമായി ഭക്ഷ്യക്കിറ്റ് വിതരണം ചെയ്തു.

പെരിങ്ങളം: പൂഞ്ഞാർ തെക്കേക്കര പഞ്ചായത്തിൽ  വിവിധ ദുരിതാശ്വാസ ക്യാമ്പുകളിൽ കഴിയുന്ന കുടുംബങ്ങൾക്ക് ലയൺസ് ക്ലബ്ബിന്റെ നേതൃത്വത്തിൽ ഭക്ഷ്യസാമഗ്രികൾ വിതരണം ചെയ്തു. മോഡൽ ലയൺസ് ക്ലബ് ഓഫ് പത്തനംതിട്ട എമിറേറ്റ്സ് (Lions International District 318 B) ആണ് സഹായമെത്തിച്ചത്.

.പെരിങ്ങളം സെന്റ് അഗസ്റ്റിൻസ് ഹൈസ്കൂൾ, എടമല സി.എം.എസ് യു.പി സ്കൂൾ, കൈപ്പള്ളി സെന്റ് ആന്റണീസ് ചർച്ച് പാരിഷ് ഹാൾ എന്നീ മൂന്ന് ക്യാമ്പുകളിലായി കഴിയുന്ന നൂറോളം കുടുംബങ്ങൾക്കാണ് ഭക്ഷ്യക്കിറ്റുകൾ നൽകിയത്.

.പെരിങ്ങളം സെന്റ് അഗസ്റ്റിൻസ് പള്ളി വികാരി ഫാ. ജോർജ് മടുക്കാവിലിന്റെ അധ്യക്ഷതയിൽ നടന്ന ചടങ്ങിൽ പൂഞ്ഞാർ തെക്കേക്കര പഞ്ചായത്ത് പ്രസിഡന്റ് മിനർവ മോഹൻ പരിപാടിയുടെ ഉദ്ഘാടനം നിർവഹിച്ചു. ലയൺസ് ജില്ലാ ചീഫ് പ്രോജക്ട് കോർഡിനേറ്റർ സിബി മാത്യു പ്ലാത്തോട്ടം മുഖ്യപ്രഭാഷണം നടത്തി.

.ബ്ലോക്ക് പഞ്ചായത്ത് മെമ്പർ റോജി തോമസ്, പഞ്ചായത്ത് മെമ്പർമാരായ അനിയമ്മ സണ്ണി, സജി സിബി, ജോളിച്ചൻ ജോസഫ്, സഹവികാരി ഫാ. സജി അമ്മോട്ടൂകുന്നേൽ , സ്കൂൾ ഹെഡ്മാസ്റ്റർ ജോസുകുട്ടി ജേക്കബ്, VEO ജോബി വിളക്കുന്നേൽ, ജോഷിമോൻ പള്ളിപ്പറമ്പിൽ, മുൻ പഞ്ചായത്ത് മെമ്പർ വർക്കി PU എന്നിവർ ചടങ്ങിൽ സംസാരിച്ചു.