അങ്കാളമ്മാന്‍ കോവില്‍ ശുചീകരിച്ചു

ഈരാറ്റുപേട്ടയിലെ അങ്കാളമ്മൻ കോവിലിൽ വീണ്ടും പ്രകാശം പരത്തി നന്മയുടെ കരങ്ങൾ. ഈരാറ്റുപേട്ടയിൽ ഉണ്ടായ കനത്ത പ്രളയത്തെ തുടർന്ന് ഇരുആറുകളുടെയും സംഗമസ്ഥാനത്ത് സ്ഥിതി ചെയ്യുന്ന പുരാതനവും ചരിത്രപ്രസിദ്ധവുമായ അങ്കാളമ്മൻ കോവിൽ ചെളിയും മാലിന്യങ്ങളും നിറഞ്ഞ് ദുരവസ്ഥയിലായി. ദുരന്തഘട്ടങ്ങളിൽ രക്ഷാപ്രവർത്തനങ്ങൾക്ക് എന്നും മുന്നിൽ നിൽക്കുന്ന ടീം റെസ്ക്യൂ ഫോഴ്സ് കേരള (Team Rescue Force Kerala)യുടെ സന്നദ്ധപ്രവർത്തകർ ഇത്തവണയും സേവനമനോഭാവത്തോടെ രംഗത്തെത്തി. മണിക്കൂറുകളോളം നീണ്ട പരിശ്രമത്തിലൂടെ ക്ഷേത്രമുറ്റവും പരിസരവും പൂർണമായും ശുചീകരിച്ച് പഴയ നിലയിലേക്ക് തിരികെ കൊണ്ടുവരാൻ അവർക്ക് സാധിച്ചു.

.

ദുരന്തബാധിതരായ ജനങ്ങൾക്ക് കൈത്താങ്ങാകുന്നതിന് പുറമെ, സമൂഹത്തിന്റെ സാംസ്കാരിക പൈതൃകങ്ങളായ ആരാധനാലയങ്ങളെയും സംരക്ഷിക്കാനുള്ള പ്രതിബദ്ധതയാണ് ഈ പ്രവർത്തനത്തിലൂടെ ടീം വീണ്ടും തെളിയിച്ചത്. സഹജീവിസ്നേഹത്തിന്റെയും സാമൂഹിക ഉത്തരവാദിത്തത്തിന്റെയും മികച്ച മാതൃക കാഴ്ചവെച്ച ടീം റെസ്ക്യൂ ഫോഴ്സ് കേരളയുടെ എല്ലാ സന്നദ്ധപ്രവർത്തകർക്കും നാട്ടുകാരുടെ അഭിനന്ദനവും ആദരവും ലഭിക്കുകയാണ്.

.

.