പുലിയന്നൂർ തിരുവുത്സവം സമാപിച്ചു

meenachilnews Tuesday, February 17, 2026

പുലിയന്നൂർ ശ്രീ മഹാദേവക്ഷേത്രത്തിലെ തിരുവുത്സവം സമാപിച്ചു. വൈകിട്ട് അഞ്ചുമണിക്ക് കൊടിയിറക്കിന് ശേഷം ആറാട്ടുകടവിലേക്ക് എഴുന്നള്ളിപ്പ് നടന്നു. പത്മശ്രീ പെരുവനം കുട്ടന്മാരാരുടെ പ്രമാണത്തിൽ ആറാട്ട് പുറപ്പാട് മേളം ഉണ്ടായിരുന്നു. തിരുവരങ്ങിൽ നാദസ്വര കച്ചേരി അരങ്ങേറി. രാത്രി 11 മുതൽ ആറാട്ട് എതിരേൽപ്പ് നടന്നു.

നിരവധി ഭക്തജനങ്ങൾ ആണ് ആറാട്ടിൽ പങ്കെടുക്കാൻ എത്തിയത്. ഫെബ്രുവരി ഒമ്പതിനാണ് തിരുവു ത്സവം കോടിയേറിയത്. തന്ത്രിമുഖ്യൻ ബ്രഹ്മശ്രീ അനിൽ ദിവാകരൻ നമ്പൂതിരി മനയത്താറ്റ്ഇല്ലം, മേൽശാന്തി ബ്രഹ്മശ്രീ നാരായണൻ നമ്പൂതിരി മുണ്ടക്കൊടി ഇല്ലം എന്നിവരുടെ മുഖ്യകാർമികത്തിലാണ് തിരുവുത്സവ ചടങ്ങുകൾനടന്നത്.