പാലാ : ശിഷ്യന്മാരെ വളർത്തുകയും വളരാനനുവദിക്കുകയും ചെയ്യുമ്പോഴാണ് ഗുരുവിന് ആത്മാഭിമാനവും സന്തോഷവും സംജാതമാകുന്നതെന്ന് മാർ ജോസഫ് കല്ലറങ്ങാട്ട്. എന്തെങ്കിലും നഷ്ടപ്പെടുമോ എന്ന് ഭയപ്പെട്ടിരുന്നാൽ ഒരു കാര്യവും നേടിയെടുക്കാനാകില്ല. പാലാ രൂപത കോർപ്പറേറ്റ് എഡ്യൂക്കേഷണൽ ഏജൻസിയുടെ കീഴിലുള്ള വിവിധ വിദ്യാലയങ്ങളിൽ സേവനമനുഷ്ഠിച്ച ശേഷം ഈ വർഷം സർവ്വീസിൽ നിന്നു വിരമിക്കുന്ന അധ്യാപക / അനധ്യാപകർക്ക് അക്കാദമിക് കൗൺസിൽ, ടീച്ചേഴ്സ് ഗിൽഡ് എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച യാത്രയയപ്പു സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
പാലാ സെൻ്റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിൽ ചേർന്ന സമ്മേളനത്തിൽ വികാരി ജനറാൾ മോൺ. സെബാസ്റ്റ്യൻ വേത്താനത്ത് അധ്യക്ഷത വഹിച്ചു. കോർപ്പറേറ്റ് എഡ്യൂക്കേഷണൽ ഏജൻസി സെക്രട്ടറി ഫാ. ജോർജ് പുല്ലുകാലായിൽ , അക്കാദമിക് കൗൺസിൽ സെക്രട്ടറി ഫാ. ജോർജ് പറമ്പിൽത്തടത്തിൽ, ടീച്ചേഴ്സ് ഗിൽഡ് ഡയറക്ടർ ഫാ. ജോർജ് വരകുകാലാപറമ്പിൽ , പ്രസിഡൻ്റ് ജോബി കുളത്തറ ,
.സെക്രട്ടറി ഷിനു ആനത്താരയ്ക്കൽ, ഫാ. സോമി മാത്യു, സാബു മാത്യു, ജോജി അബ്രാഹം, ജയമോൾ മാത്യു, ഷിബു തെക്കേമറ്റം എന്നിവർ പ്രസംഗിച്ചു. റിൻ്റ അഗസ്റ്റിൻ, ഷീബ അഗസ്റ്റിൻ, സിബി തോട്ടക്കര, മാനുവൽ ജയിംസ് മാന്തറ, വിൻസെൻ്റ് അരീക്കാട്ട്, സജി തോമസ്, ജോബി ജോൺ, റോബിൻ പോൾ
തുടങ്ങിയവർ നേതൃത്വം നൽകി.
വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ
0 Comments