സൗത്ത് ആഫ്രിക്കക്കെതിരെ ഇന്ത്യക്ക് വിജയം

ആർത്തിരമ്പുന്ന മലയാളികൾക്ക് മുൻപിൽ ഒരിക്കൽക്കൂടി ഇന്ത്യൻ വിജയം. ഇത്തവണ കരുത്തരായ സൗത്ത് ആഫ്രിക്ക.

ബൗളിങ്ങിൽ തീക്കാറ്റായി ആഞ്ഞടിച്ച ഇന്ത്യ തങ്ങളുടെ പ്രിയപ്പെട്ട ഗ്രൗണ്ടിൽ ബാറ്റിങ്ങിലും ബൗളിങ്ങിലും കരുത്തുകാട്ടിയാണ് വിജയക്കൊടി പാറിച്ചത്. സൂര്യകുമാർ യാദവും കെ .എൽ രാഹുലും അർദ്ധ സെഞ്ച്വറി നേടി 

.ടോസ് നഷ്ടപ്പെട്ട് ബാറ്റിംഗി നിറങ്ങിയ ദക്ഷിണാഫ്രിക്ക നിശ്ചിത 20 ഓവറിൽ എട്ട് വിക്കറ്റ് നഷ്ടത്തിൽ 106 റൺസെടുത്തു.

ഒൻപത് റൺസിനിടെ അഞ്ച് മുൻനിര വിക്കറ്റുകളാണ് ദക്ഷിണാഫ്രിക്കയ്ക്ക് നഷ്ടമായത്. അർഷ്ദീപ് സിംഗി ന്റെയും ദീപക് ചഹാറിന്റെയും മിന്നുന്ന പ്രകടനമാണ് തുടക്കത്തിൽ തന്നെ ദക്ഷിണാഫ്രിക്കയെ തകർത്തത്.

എയ്ഡൻ മാർക്രം (25), വെയ്ൻ പാർനെൽ (24), കേശ വ മഹാരാജ് (41) എന്നിവർക്കുമാത്രമാണ് ഇന്ത്യൻ ബൗളിംഗിനു മുന്നിൽ പിടിച്ചു നിൽക്കാനായത്. ദക്ഷി ണാഫ്രിക്കയുടെ നാല് മുൻനിര താരങ്ങളാണ് പൂജ്യ ത്തിന് മടങ്ങിയത്.