മുസ്ലിം ഗേൾസ് ഹയർ സെക്കണ്ടറി സ്കൂളിലെ ലിറ്റിൽ കൈറ്റ്സ് ക്ലബ്ബിന്റെ ആഭിമുഖ്യത്തിൽ 9 , 10 ക്ലാസ്സിലെ വിദ്യാർത്ഥികളുടെ മാതാക്കൾക്കായി ഡിജിറ്റൽ പരിശീലന പരിപാടി സംഘടിപ്പിച്ചു . പൊതുവിദ്യാഭ്യാസ ശാക്തീകരണത്തിന്റെ ഭാഗമായി സംസ്ഥാന സർക്കാർ ആവിഷ്കരിച്ചു നടപ്പാക്കിയ ഹൈടെക് ക്ലാസ്സ്മുറികളും , ഡിജിറ്റൽ പാഠപുസ്തകങ്ങളും മാതാക്കളെ പരിചയപ്പെടുത്തുന്ന പാടിപ്പാടി സ്കൂളിലെ കമ്പ്യൂട്ടർ ലാബിൽ നടത്തി. ക്യു ആർ കോഡ് , മൊബൈൽ ആപ് തുടങ്ങിയവയെ പരിചയപ്പെടുത്തിയതോടൊപ്പം സൈബർ സുരക്ഷയെക്കുറിച്ച് ബോധവൽക്കരണവും നടത്തി. സ്മാർട്ട് അമ്മമാർ എന്ന പരിപാടിക്ക് ഹെഡ്മിസ്ട്രസ് വി എൻ ശ്രീദേവി , എം. എഫ് അബ്ദു ഖാദർ , എം.പി ലീന, എസ് .ഐ ടി സി കെ .എസ് ഷെരീഫ് എന്നവർ നേതൃത്വം നൽകി.
