തീക്കോയി എസ്ബിഐ എടിഎമ്മില് മോഷണശ്രമം നടത്തിയത് രണ്ട് പേരെന്ന് പോലീസ്. ഇവര് ബൈക്കിലെത്തി മോഷണത്തിന് ശ്രമിക്കുന്ന ദൃശ്യങ്ങള് സിസിടിവി ക്യാമറകളില് നിന്നും പോലീസിന് ലഭിച്ചു. രണ്ടും പേരും ഹെല്മറ്റ് ധരിച്ചിരുന്നതിനാലും തലമൂടി ക്യാപ് ധരിച്ചിരിക്കുന്നതിനാലും മുഖം വ്യക്തമായിട്ടില്ല.
ഞായറാഴ്ച പുലര്ച്ചെ 3 മണിയോടെയാണ് രണ്ടംഗസംഘം തീക്കോയി ടൗണിലെ എടിഎമ്മില് മോഷണശ്രമം നടത്തിയത്. എടിഎമ്മിന്റെ കവര് അഴിച്ചെങ്കിലും യന്ത്രം തുറക്കാനാകാഞ്ഞതിനാല് പണം നഷ്ടപ്പെട്ടിട്ടില്ല. മേഖലയിലെ മറ്റ് ക്യാമറകളില് നിന്നും മറ്റ് തെളിവുകള് ലഭിക്കുമോ എന്ന പരിശോധനയിലാണ് പോലീസ്.
