സംസ്ഥാനത്ത് തുലാവര്ഷം ഇന്നോ നാളെയോ ആരംഭിക്കുമെന്ന് കാലാവസ്ഥാ നിരീക്ഷണ കേന്ദ്രം. അടുത്ത മൂന്ന് ദിവസം സംസ്ഥാനത്ത് ഇടിയോടു കൂടിയ കനത്ത മഴയ്ക്കും ശക്തമായ കാറ്റിനും സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു. കേരള തീരത്തും കര്ണ്ണാടക തീരത്തും മണിക്കൂറില് 65 കിലോ മീറ്റര് വേഗത്തില് കാറ്റ് വീശാന് സാധ്യതയുണ്ടെന്നും മീന്പിടുത്തക്കാര് ജാഗ്രത പാലിക്കണമെന്നും മുന്നറിയിപ്പുണ്ട്. മധ്യ കേരളത്തിലും വടക്കന് കേരളത്തിലും ഇന്ന് മഴ ശക്തമാകും.
കൊല്ലം, തിരുവനന്തപുരം, എറണാകുളം,പത്തനംതിട്ട, ഇടുക്കി, തൃശൂര്, മലപ്പുറം, കോഴിക്കോട്, വയനാട് എന്നിങ്ങനെ ഒന്പത് ജില്ലകളില് യെല്ലോ അലേര്ട്ട് ഉണ്ട്. നാളെ എട്ട് ജില്ലകളില് യെല്ലോ അലേര്ട്ട് ഉണ്ട്. അതിനാല് സര്ക്കാര് സംവിധാനങ്ങള് ജാഗ്രത പുലര്ത്തണമെന്ന് കാലാവസ്ഥാ വകുപ്പ് മുന്നറിയിപ്പ് നല്കിയിട്ടുണ്ട്.
