ഈരാറ്റുപേട്ട മുസ്ലിം ഗേൾസ് ഹയർ സെക്കണ്ടറി സ്കൂളിലെ എസ്.പി.സി യൂണിറ്റിന്റെ ഹരിത ഭൂമി പദ്ധതിയുടെ ഭാഗമായി പ്ലാസ്റ്റിക് ക്യാരിബാഗുകൾക്കു ബദലായി കേഡറ്റുകൾ തുണി സഞ്ചികൾ നിർമിച്ചു. വീടുകളിൽ നിലവിൽ ഉപയോഗമില്ലാത്ത തുണിത്തരങ്ങൾ ആണ് കുട്ടികൾ ഇതിനായി ഉപയോഗിച്ചത്. ആകർഷകമായ രീതിയിൽ തയ്യാറാക്കിയ ഈ സഞ്ചികളുടെ ഒരു പ്രദര്ശനവും സ്കൂളിൽ നടത്തി. എസ . പി. സി അവധിക്കാല ക്യാമ്പിൽ നടത്തിയ പരിസ്ഥിതി സംരക്ഷണ സെമിനാറിൽ നിന്ന് പ്രചോദനം ഉൾക്കൊണ്ടുകൊണ്ടാണ് കേഡറ്റുകൾ ശ്രെദ്ധേയമായ ഈ പ്രവർത്തനം നടത്തിയത്. തുടർന്ന് നിരവധി പ്രവർത്തനങ്ങൾ നടത്താൻ എസ. പി. സി പദ്ധതിയിടുന്നു. ഹെഡ് മിസ്ട്രസ് ശ്രീദേവി വി. എൻ , സി.പി.ഒ മാരായ അൻസാർ അലി , താര എസ് നായർ , എം, എഫ് അബ്ദുൽ കാദർ, മുഹമ്മദ് ലൈസൽ , ജയൻ പി ജി, ഫിദ നൗറീൻ , ശാദിയ ടി എന്നിവർ നേതൃത്വം നൽകി.
