2018ലെ പ്രളയത്തില് കിടങ്ങൂര് കാവാലിപ്പുുഴ കടവില് രൂപപെട്ട മണല് തിട്ട വിസ്മയ കാഴ്ചയൊരുക്കുന്നു. മിനി ബീച്ച് സംരക്ഷിച്ചു നിലനിറുത്താന് പ്രകൃതി സ്നേഹികളും പരിസ്ഥിതി പ്രവര്ത്തകരും ജനമൈത്രി പോലീസും സന്നദ്ധ സംഘടനകളും ശ്രമം തുടരുകയാണ്. പ്രളയബാധിത മീനച്ചിലാറിന്റെ തീരങ്ങളുടെ പുനരുദ്ധാരണവും സംരക്ഷണവും ഉറപ്പാക്കാന് ജനമൈത്രി പോലീസ് നടപ്പാക്കുന്ന പുഴയ്ക്കൊരു പുനര്ജനി പദ്ധതിയുടെ ഉദ്ഘാടനം കാവാലിപ്പുഴക്കടവില് നടന്നു.
പ്രകൃതി അനുഗ്രഹിച്ചു നല്കിയ മിനി ബീച്ചില് ആറ്റുതീരസംരക്ഷണം ലക്ഷ്യമിട്ട് ആറ്റുവഞ്ചിയും മുളയും നീര്മാതളവുമെല്ലം നട്ടുപിടിപ്പിക്കുന്ന പദ്ധതിയുടെ ഉദ്ഘാടനം എ.ഡി.ജി.പി ഡോ. ബി സന്ധ്യ നിര്വഹിച്ചു. തൈകള് നട്ട ശേഷം കാവാലിപ്പഴക്കടവിലൊരുക്കിയ വേദിയില് നടന്ന സമ്മേളനത്തില് പ്രകൃതിയെ സംരക്ഷിച്ചു നിലനിറുത്തേണ്ടതിന്റെ ആവശ്യകതയെക്കുറിച്ച് അവര് വിശദീകരിച്ചു. പരിസ്ഥിതിയെ തകര്ക്കുന്നത് ഏറ്റവും വലിയ കുറ്റകൃത്യമാണെന്ന് ഡോ സന്ധ്യ പറഞ്ഞു. മീനച്ചിലാര് കിടങ്ങൂരില് കാവാലിപ്പുഴയായി മാറുമ്പോള് ആറ്റുതീരത്ത് മണല്തിട്ടൊരുക്കിയ മനോഹാരിത കാത്തുസൂക്ഷിക്കാന് പൊതു സമൂഹം ഒത്തുചേര്ന്ന് പ്രവര്ത്തിക്കേണ്ടതിന്റെ ആവശ്യകത മീനച്ചില് നദീസംരക്ഷണ സമിതി പ്രസിഡന്റ് പ്രൊഫ. എസ് രാമചന്ദ്രന് ഓര്മ്മിപ്പിച്ചു.
സമ്മേളനത്തില് ജില്ലാ പോലീസ് ചീഫ് പി.എസ് സാബു അധ്യക്ഷനായിരുന്നു. ഈസ്റ്റേണ് റേഞ്ച് വിജിലന്സ് പോലീസ് സൂപ്രണ്ട് വി.ജി വിനോദ് കുമാര്, പാലാ ഡിവൈഎസ്പി കെ.സുഭാഷ്, ജനമൈത്രി ജില്ലാ നോഡല് ഓഫീസര് ഡിവൈഎസ്പി വിനോദ് പിള്ള, കിടങ്ങൂര് പഞ്ചായത്ത് പ്രസിഡന്റ് ഷൈബി മാത്യു ഹരിത മിഷന് കോര്ഡിനേറ്റര് പി.രമേഷ്, ബ്ലോക്ക് പഞ്ചായത്തംഗം ജോസ് തടത്തില്, ഡോ.വി.പി സൈലസ് പഞ്ചായത്തംഗം ശാന്തി ഗോപാലകൃഷ്ണന്, കിടങ്ങൂര് എസ്.എച്ച്.ഒ സിബി തോമസ്, സി.ആര്.ഒ ബാബു എം.ജി തുടങ്ങിയവര് പ്രസംഗിച്ചു.
ബാലതാരം മീനാക്ഷിയും ആശംസകളര്പ്പിച്ചു. പോലിസ് സേവനത്തിനിടയിലും പരിസ്ഥിതി പ്രവര്ത്തനങ്ങള്ക്ക് നേതൃത്വം നല്കുന്ന വിദ്യാധരനെ ചടങ്ങില് ആദരിച്ചു. പ്രളയം സമ്മാനിച്ച പ്രകൃതി ഭംഗിയെ സംരക്ഷിക്കാനും പ്രളയബാധിത തീരങ്ങളെ പുനരുദ്ധരിക്കാനും ഒരു വര്ഷം നീളുന്ന പ്രവര്ത്തനങ്ങളാണ് കിടങ്ങൂരിലെ ജനമൈത്രി പോലീസ് നടപ്പാക്കുന്നത്. കിടങ്ങര് സെന്റ് മേരീസ് എച്ച്.എസ്.എസ് എന്നിവിടങ്ങളിലെ സ്റ്റുഡന്റ് പോലീസ് കേഡറ്റ്സും എന്സിസി-എന്എസ്എസ് , സ്കൗട്ട് യൂണിറ്റുകളും കുടുംബശ്രീ പ്രവര്ത്തകരും കാവാലിപ്പുഴ ബീച്ചിന്റെ പുരോഗതിക്കായി പ്രവര്ത്തിക്കുന്ന സന്നദ്ധ പ്രവര്ത്തകരും പുഴയ്കൊരു പുനര്ജനി പദ്ധതിയുമായി സഹകരിച്ച് പ്രവര്ത്തിക്കും.
വീഡിയോ കാണാം.... Click Here
