പാലാ വിദ്യാഭ്യാസ ഉപജില്ലാ കലോത്സവം മുത്തോലി സെന്റ് ആന്റണീസ് ഹയർ സെക്കൻഡറി സ്കൂളിൽ 29, 30, 31 തീയതികളിൽ നടക്കും. നാളെ രാവിലെ സ്കൂൾ ഹാളിൽ മാനേജർ ഫാ. സ്റ്റാൻലി ചെല്ലിയിലിന്റെ അധ്യക്ഷതയിൽ ചേരുന്ന സമ്മേളനം ജോസ് കെ. മാണി എംപി ഉദ്ഘാടനം ചെയ്യും.
എഇഒ കെ.വി. ശ്രീലത, ബ്ലോക്ക് പഞ്ചായത്തംഗം ഹരിദാസ് അടിമത്ര, പഞ്ചായത്ത് പ്രസിഡന്റ് ജിസ്മോൾ തോമസ്, മെംബർ റൂബി ജോയി, ജില്ലാ പഞ്ചായത്തംഗം ബെറ്റി റോയി, കെ.സി. ജോണ്സണ് പ്രസംഗിക്കും.
മത്സരവേദികൾ സെന്റ് ആന്റണീസ് ഹയർ സെക്കൻഡറി സ്കൂളിലും സെന്റ് ജോസഫ് ഗേൾസ് ഹൈസ്കൂളിലും സെന്റ് ജോസഫ് ടിടിഐയിലുമാണ് ക്രമീകരിച്ചിരിക്കുന്നത്.
