പാലായില് കേന്ദ്രം നടപ്പാക്കിയ വികസനപദ്ധതികള് വോട്ടായി മാറുമെന്ന് ബിജെപി സംസ്ഥാന ജനറല് സെക്രട്ടറി എ.എന് രാധാകൃഷ്ണന് പാലായില് പറഞ്ഞു. പാര്ലമെന്റ് നിയമസഭാ അംഗങ്ങളില്ലാതായിട്ടുപോലും കേരളത്തോട് കേന്ദ്രം മുഖം തിരിച്ചിട്ടില്ല. എന്.ജി.എയുടെ പ്രചാരണം രണ്ടാം ഘട്ടത്തിലേക്ക് പ്രവേശിച്ചുവെന്നും കൃഷ്ണദാസ് പറഞ്ഞു. ഭരണ വര്ഗ്ഗ മുന്നണികള്ക്കെതിരായി വ്യാപകമായ പ്രതിഷേധം ഉയരുന്ന സമയത്തെ ഉപതിരഞ്ഞെടുപ്പില് എന്.ഡി.എയ്ക്ക് സന്തോഷകരമായ സൂചനകളാണ് ലഭിക്കുന്നത്. കഴിഞ്ഞ നിയമസഭാ തിരഞ്ഞെടുപ്പോടെ എന്.ഡി.എയ്ക്ക് വോട്ടിംഗ് ശതമാനം കൂടിയിട്ടുണ്ട്.
പാലാ മേഖലയില് മാത്രം പ്രധാനമന്ത്രിയുടെ കിസാന് സമ്മാന് പദ്ധതി പ്രകാരം 11483 പേര്ക്ക് 6 കോടി 88 ലക്ഷം രൂപ കൊടുത്തു. പശുനഷ്ടപ്പെട്ടവര്ക്ക് കേന്ദ്രം 30000 രൂപ നല്കുമ്പോള് അത് കണക്കെടുത്ത് നല്കി വാങ്ങിയെടുക്കാന് സര്ക്കാരിനായില്ല. വിറകടുപ്പ് ഉപയോഗിക്കുന്ന പിന്നോക്കവിഭാഗക്കാര്ക്ക് ഉജ്ജ്വല് പദ്ധതി പ്രകാരം 2100 കുടുംബങ്ങള്ക്ക് സൗജന്യമായി ഗ്യാസും സ്റ്റൗവും വിതരണം ചെയ്തു. ഇത്തരം പദ്ധതികളെ ജനങ്ങള് മറക്കില്ലെന്നും അദ്ദേഹം കൂട്ടിച്ചേര്ത്തു.
വീഡിയോ കാണാം... https://circle.page/post/1335090
