പാലാ ഉപതെരഞ്ഞെടുപ്പിലെ യു.ഡി.എഫ് സ്ഥാനാര്ഥി ജോസ് ടോമിനെ അപകീര്ത്തിപ്പെടുത്തും വിധം ലഘുലേഖകള് വിതരണം ചെയ്യുന്നുവെന്ന ആരോപണവുമായി യു.ഡി.എഫ് രംഗത്ത്. അന്തരിച്ച കേരളാ കോണ്ഗ്രസ് നേതാവ് കെ.എം ജോര്ജ്ജിന്റെ പേരില് കെ.എം ജോര്ജ് ഫോറം ഇറക്കിയ ലഘുലേഖയില് മീനച്ചില് റബ്ബര് മാര്ക്കറ്റിംഗ് ആന്ഡ് പ്രൊസസിംഗ് സെസൈറ്റിയിലെ ജോസ് ടോം ഉള്പ്പെട്ട അഴിമതിയാരോപണം ഉന്നയിച്ചുള്ളതായിരുന്നു ലഘുലേഖകളില് ഒന്ന്. 1992-ലെ സഹകരണ ബാങ്ക് തിരഞ്ഞെടുപ്പുമായി ബന്ധപ്പെട്ട അക്രമസംഭവങ്ങളുമായ് ബന്ധപ്പെട്ടുള്ള വെളിപ്പെടുത്തലുകളെന്ന രീതിയിലാണ് മറ്റൊന്ന്.
