പുസ്തകോല്സവത്തെ വരവേല്ക്കാന് വൈവിധ്യമാര്ന്ന പ്രചാരണബോര്ഡുകള്
രണ്ടാമത് ഈരാറ്റുപേട്ട പുസ്തകോത്സവം 21 മുതൽ 24 വരെ ഈരാറ്റുപേട്ട പിടിഎംഎസ് ഓഡിറ്റോറിയത്തിൽ നടക്കും. ഇതിന്റെ പ്രചാരണാർഥം പരിസ്ഥിതി സൗഹൃദമായി ചെയ്തിരിക്കുന്ന ബോർഡുകൾ ശ്രദ്ധേയമായി. കേരളത്തിലെ പ്രമുഖ സാഹിത്യകാരുടെ കാരിക്കേച്ചർ രൂപങ്ങൾ ഇതിലുണ്ട്.
21 ന് കേന്ദ്ര സാഹിത്യ അക്കാഡമി അവാർഡ് ജേതാവ് സുഭാഷ് ചങ്കൻ, രണ്ടാം ദിവസം സന്തോഷ് ജോർജ് കുളങ്ങര, ഫൈസൽ എളേറ്റിൽ, മൂന്നാം ദിവസം വയലാർ അവാർഡ് ജേതാവ് സജിൽ ശ്രീധർ, ഗാന്ധി യൂണിവേഴ്സിറ്റി മുൻ വൈസ് ചാൻസലർ ഡോ. സിറിയക് തോമസ്, നാലാം ദിവസം എസ്. ഹരിഷ് എന്നിവർ പങ്കെടുക്കും.
വിദ്യാർഥികളും വായനയും എന്ന വിഷയത്തിൽ മാധ്യമ പ്രവർത്തകൻ എ.എസ്. സുരേഷ് കുമാർ പുസ്തക അവലോകനം, പ്രവാസി സംഗമം, കവിയരങ്ങ്, നവ മാധ്യമ രചയിതാക്കളുടെ കൂട്ടായ്മ എന്നിവ സംഘടിപ്പിക്കും.<പുസ്തകോത്സവത്തോടനുബന്ധിച്ച് ഫുഡ് ഫെസ്റ്റ്, പുരാവസ്തു പ്രദർശനം, കാർഷിക പ്രദർശനം എന്നിവയും സംഘടിപ്പിക്കും.
ഈരാറ്റുപേട്ട സ്വദേശികളായ എഴുത്തുകാരുടെ പുസ്തകങ്ങൾ, ഈരാറ്റുപേട്ട ടൂറിസം വെബ് സൈറ്റ് എന്നിവ പ്രകാശനം ചെയ്യും . പരിപാടിയുടെ വിജയത്തിനായി സ്വാഗത സംഘം ചെയർമാൻ ഹാഷിർ നദ്വി, ജനറൽ കണ്വീനർ പി.പി.എം. നൗഷാദ് എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചു വരുന്നു
