പാലാ സെൻ്റ് തോമസ് ടി.ടി.ഐ യിൽ ക്രിസ്തുമസ് ആഘോഷം

പാലാ സെൻ്റ് തോമസ് ടി.ടി.ഐ യിൽ ക്രിസ്തുമസ് ആഘോഷം  ജിംഗിൾ ബെൽസ് 2k25  സംഘടിപ്പിച്ചു. ക്രിസ്തുമസ് സന്ദേശം പകർന്നു നൽകുന്ന വിവിധ കലാപരിപാടികൾ, കരോൾ ഗാനങ്ങൾ, നൃത്തങ്ങൾ എന്നിവ ആഘോഷത്തിന്റെ ഭാഗമായി അവതരിപ്പിച്ചു. സ്ഥാപനത്തിലെ അധ്യാപകരുടെയും വിദ്യാർത്ഥികളുടെയും സാന്നിധ്യത്തിൽ നടന്ന ചടങ്ങ് ആഘോഷാന്തരീക്ഷത്തിൽ നിറഞ്ഞുനിന്നു. ക്രിസ്തുമസ് സന്ദേശം പകർന്നു നൽകുന്ന വിവിധ കലാപരിപാടികൾ, കരോൾ ഗാനങ്ങൾ, നൃത്തങ്ങൾ എന്നിവ ആഘോഷത്തിന്റെ ഭാഗമായി അവതരിപ്പിച്ചു. സാന്താക്ലോസിന്റെ സാന്നിധ്യവും പരിപാടിക്ക് പ്രത്യേക ആകർഷണമായി. 

സ്നേഹവും ഐക്യവും പങ്കുവെക്കുന്ന ക്രിസ്തുമസ് സന്ദേശം വിദ്യാർത്ഥികളിലേക്ക് എത്തിക്കുകയായിരുന്നു പരിപാടിയുടെ ലക്ഷ്യം.സ്കൂൾ അസിസ്റ്റൻറ് മാനേജർ റവ.ഫാദർ ഐസക് പെരിങ്ങാ മലയിൽ  അധ്യക്ഷത വഹിച്ചു. യോഗത്തിൽ മുൻസിപ്പൽ കൗൺസിലർ മായാ രാഹുൽ മുഖ്യ പ്രഭാഷണം നടത്തി. പിടിഎ പ്രസിഡണ്ട് മഞ്ജുഷ ടോണി  ക്രിസ്തുമസ് സന്ദേശം നൽകി. 

ഹെഡ്മിസ്ട്രസ് റവ.സി ജാൻസി പീറ്റർ സ്വാഗതം ആശംസിച്ചു. അക്ഷയ് ഷിജോ ,ഗ്രിഗറിൻ ജോജോ എന്നിവർ സംഗീതം ആലപിച്ചു. സ്റ്റാഫ് സെക്രട്ടറി ഷാജിമോൻ ജോസഫ് നന്ദി രേഖപ്പെടുത്തി. വിദ്യാർത്ഥികളുടെ സജീവ പങ്കാളിത്തം പരിപാടിയുടെ വിജയത്തിന് വഴിയൊരുക്കുകയും ചെയ്തു. ‘ജിംഗിൾ ബെൽസ് 2k25’ എല്ലാവർക്കും സന്തോഷവും ഉല്ലാസവും സമ്മാനിച്ച ഒരു ഓർമ്മയായിത്തീർന്നു.

.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ