സംസ്ഥാനത്ത് ഹൈസ്കൂള് ക്ലാസുകളില് ഇനി മുതല് അരമണിക്കൂര് അധികം പഠിപ്പിക്കും. ഹൈസ്കൂളുകളുടെ സമയക്രമം അരമണിക്കൂര് കൂട്ടി പൊതുവിദ്യാഭ്യാസ വകുപ്പ് ഉത്തരവിറക്കി. രാവിലെ 9.45 മുതല് വൈകീട്ട് 4.15 വരെ ആയിരിക്കും ഇനി മുതല് ഹൈസ്കൂള് ക്ലാസുകള്. രാവിലെയും ഉച്ചക്ക് ശേഷം 15 മിനുട്ടുകള് വീതമാണ് കൂട്ടിയത്.
ഒന്ന് മുതല് നാല് വരെയുള്ള ക്ലാസുകളില് ശനിയാഴ്ച അധിക പ്രവൃത്തിദിനമാക്കില്ല. യുപി വിഭാഗത്തില് ആഴ്ചയില് ആറ് പ്രവൃത്തി ദിനം തുടര്ച്ചയായി വരാത്ത രണ്ട് ശനിയാഴ്ചകള് പ്രവൃത്തിദിനങ്ങളായിരിക്കും. ഹൈസ്കൂളില് 6 ശനിയാഴ്ചകളും പ്രവൃത്തിദിനങ്ങളാകും. 220 പ്രവൃത്തി ദിവസം വേണമെന്ന ഹൈക്കോടതിയുടെ കര്ശന നിര്ദ്ദേശത്തെ തുടര്ന്നാണ് സമയക്രമത്തില് മാറ്റം വരുത്തിയത്.
220 അധ്യയന ദിനം തികയ്ക്കുന്ന രീതിയിലാണ് പുതിയ വിദ്യാഭ്യാസ കലണ്ടര്. 16 ശനിയാഴ്ചകളാണ് പുതിയ കലണ്ടറില് അധികപ്രവര്ത്തി ദിനം. പുതിയ കലണ്ടറിനെതിരെ അധ്യാപക സംഘടനകള് കടുത്ത പ്രതിഷേധം ഉയര്ത്തിയിരുന്നു. ഭരണാനുകൂല സംഘടനകള്അടക്കം പരസ്യ പ്രതികരണവുമായി രംഗത്തെത്തി. വിദ്യാഭ്യാസ നിയമം പരിഗണിക്കാതെയാണ് പുതിയ കലണ്ടറെന്നാണ് അധ്യാപക സംഘടനകളുടെ പരാതി.
സി പി ഐ അധ്യാപക സംഘടന എ കെ എസ് ടി യു എതിര്പ്പ് പരസ്യമാക്കി രംഗത്തെത്തിയിട്ടുണ്ട്. പുതിയ വിദ്യാഭ്യാസ കലണ്ടര് ദേശീയ വിദ്യാഭ്യാസ അവകാശ നിയമത്തിന് എതിരാണെന്ന് അധ്യാപക സംഘടനകള് ചൂണ്ടിക്കാട്ടുന്നു.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
.webp)
0 Comments