പൂഞ്ഞാർ തെക്കേക്കര ടൗണിൽ ഹംബിൽ കയറി നിയന്ത്രണംവിട്ട ബൈക്ക് മറിഞ്ഞ് യുവാവിന് പരിക്കേറ്റു. ഇന്ന് രാവിലെ 11 മണിയോടെയാണ് സംഭവം. വേഗത്തിൽ എത്തിയ ബൈക്ക് ഹംപി ൽ കയറിയതിന് പിന്നാലെ മറിയുകയായിരുന്നു. അപകടത്തിൽ ചൂണ്ടച്ചേരി സ്വദേശിയായ യുവാവിന്റെ കാലിന് ഒടിവുണ്ട്. ടൗണിൽ സ്ഥാപിച്ചിരിക്കുന്ന ഈ ഹംബ് പലപ്പോഴും അപകടങ്ങൾക്ക് ഇടയാക്കുന്നതായി പ്രദേശത്തെ വ്യാപാരികൾ പറയുന്നു.
ഹമ്പു ഉണ്ടെന്നു സൂചിപ്പിക്കുന്ന വരകൾ മാഞ്ഞതോടെ വേഗതയിൽ എത്തി ഹമ്പൽ കയറുന്ന വാഹനങ്ങൾ അപകടത്തിൽപ്പെടുന്നത് പതിവാണ്. രണ്ടുദിവസം മുമ്പും ഇവിടെ മറ്റൊരു അപകടം ഉണ്ടായിരുന്നു. പ്രാദേശിക രാഷ്ട്രീയ പ്രവർത്തകർ ചേർന്ന് ഹമ്പിൽ വരകൾ സ്ഥാപിച്ചു എങ്കിലും വാഹനങ്ങൾ കയറി മാഞ്ഞു പോകുന്നതാണ് പതിവ്.
.സ്ഥിരമായ മാർക്കിംഗ് വരയ്ക്കണമെന്ന് പിഡബ്ല്യുഡി അധികാരികളോട് ആവശ്യപ്പെട്ടെങ്കിലും റീടറിങ്ങിനു ശേഷം വരക്കാം എന്നാണ് അധികാരികളുടെ നിലപാട്. എന്നാൽ ഈ പറയുന്നതിന് തന്നെ ഒന്നരവർഷത്തിലധികം പഴക്കമുണ്ടെന്ന് പ്രദേശവാസികൾ പറയുന്നു. അപകടത്തിൽ പരിക്കേറ്റ യുവാവിനെ ആശുപത്രിയിലേക്ക് മാറ്റി. അപകടം മുന്നറിയിപ്പ് സംവിധാനം ഏർപ്പെടുത്താൻ അധികാരികൾ തയ്യാറാകണമെന്ന് ഈരാറ്റുപേട്ട ബ്ലോക്ക് പഞ്ചായത്ത് അംഗമായ റോജി തോമസ് ആവശ്യപ്പെട്ടു .
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments