Latest News
Loading...

സക്കറിയാസ് തുടിപ്പാറ ജന്മശതാബ്ദി ആഘോഷങ്ങൾ ജനുവരി 21 ന് അരുവിത്തുറയിൽ



പൂഞ്ഞാറിലെ ഏറ്റവും മുതിർന്ന പൊതുപ്രവർത്തകനും സംശുദ്ധ രാഷ്ട്രീയത്തിൻ്റെ വക്താവും കേരള കോൺഗ്രസിൻ്റെ സ്ഥാപകനേതാക്ക ളിൽ ഒരാളുമായ സക്കറിയാസ് തുടിപ്പാറയുടെ ജന്മശതാബ്ദി ആഘോഷ ങ്ങൾ ജനുവരി 21 ന് അരുവിത്തുറയിൽ നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. 



വാർദ്ധക്യത്തിലും സജീവമായി പൊതുരംഗത്തുള്ള സക്കറിയാസിന് ആദരങ്ങളർപ്പിക്കാൻ പൂഞ്ഞാർ പൗരാവലിയുടെ ആഭിമുഖ്യത്തിൽ സംഘടിപ്പിച്ചിരിക്കുന്ന ഈ പരി പാടിയിൽ വൈദിക മേലദ്ധ്യക്ഷൻമാരും ജനനേതാക്കളും പങ്കെടുക്കും.


ജനുവരി 21 ചൊവ്വാ 2 മണിക്ക് അരുവിത്തുറ പള്ളിയിൽ കൃതജ്ഞതാ ബലിയോടെ പരിപാടികൾ ആരംഭിക്കും. തുടർന്ന് നടക്കുന്ന അനുമോദന യോഗം പാലാ ബിഷപ്പ് ജോസഫ് കല്ലറങ്ങാട്ട് ഉദ്ഘാടനം ചെയ്യും. എം.പി മാരായ ആന്റോ ആൻ്റണി, ഫ്രാൻസിസ് ജോർജ്, എം.എൽ.എ മാരായ സെബാസ്റ്റ്യൻ കുളത്തുങ്കൽ, മാണി സി കാപ്പൻ, 



മുൻസിപ്പൽ ചെയർപേഴ്‌സൺ സുഹ്റ അബ്‌ദുൽ ഖാദർ, മുൻ എം.എൽ.എ മാരായ പി.സി.ജോർജ്, വി.ജെ ജോസഫ്, ജോയി എബ്രാഹം തുടങ്ങിയവരും വിവിധ രാഷ്ട്രീയ പാർട്ടി പ്രതിനിധികളും ത്രിതല പഞ്ചായത്ത് ഭാരവാഹികളും പ്രസംഗിക്കും. തുടർന്ന് സ്നേഹവിരുന്നും ഉണ്ടായിരിക്കും. പ്രോഗ്രാം കമ്മിറ്റി കൺവീനർ ഉണ്ണിക്കുഞ്ഞ് വെള്ളുക്കുന്നേൽ , അപ്പച്ചൻ തെള്ളിയിൽ, ജോഷി താന്നിക്കൽ, എം വി ജോർജ് എന്നിവർ വാർത്താ സമ്മേളനത്തിൽ പങ്കെടുത്തു.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ


   




Post a Comment

0 Comments