സംസ്ഥാന സര്ക്കാരിന്റെ ക്രിസ്മസ്-പുതുവത്സര ബമ്പര് ഭാഗ്യശാലിയെ ഇന്ന് അറിയാം. 12 കോടിയാണ് ഒന്നാം സമ്മാനം. ഉച്ചയ്ക്ക് രണ്ടിന് തിരുവനന്തപുരം ഗോര്ഖി ഭവനില് വച്ചാണ് നറുക്കെടുപ്പ്. XA, XB, XC, XD, XE, XG എന്നീ അഞ്ചു സീരീസുകളിലാണ് ടിക്കറ്റ് പുറത്തിറക്കിയിട്ടുളളത്.
തിരുവനന്തപുരം മേയര് ആര്യ രാജേന്ദ്രനാണ് നറുക്കെടുക്കുന്നത്. 33 ലക്ഷം ടിക്കറ്റുകള് അച്ചടിച്ചിരുന്നു. ഇതു മുഴുവനും വിറ്റുപോയി. 300 രൂപയാണ് ടിക്കറ്റ് വില. രണ്ടാം സമ്മാനം ആറ് പേര്ക്ക് 50 ലക്ഷം വീതം നല്കും, മൂന്നാം സമ്മാനമായി 10 ലക്ഷം വീതം ആറ് പേര്ക്കും നാലാം സമ്മാനം അഞ്ച് ലക്ഷം വീതം 6 പേര്ക്കും നല്കും.
അഞ്ചാം സമ്മാനം ഒരു ലക്ഷം രൂപ വീതം 108 പേര്ക്ക് ലഭിക്കും. 5000, 3000, 2000, 1000 എന്നിങ്ങനെ നിരവധി സമ്മാനങ്ങള് വേറെയുമുണ്ട്.
കഴിഞ്ഞ പ്രാവശ്യം കണ്ണൂര് പുരളിമല കുറിച്യ കോളനിയിലെ പൊരുന്നോന് രാജനാണ് ഒന്നാം സമ്മാനമായ 12 കോടി രൂപ ലഭിച്ചത്.
0 Comments