കോവിഡ് 19, ലോക്ക്ഡൗൺ മൂലം സാമ്പത്തികമായി ബുദ്ധിമുട്ടനുഭവിക്കുന്ന ജനങ്ങൾക്കായി ഒരു രൂപ പോലും ചാർജുകൾ ഇല്ലാതെ പലിശ രഹിത സ്വർണ്ണ പ്പണയ വായ്പാപദ്ധതി "സമാശ്വാസ് 2020" പ്രഖ്യാപിച്ച് മീനച്ചിൽ ഈസ്റ്റ് അർബൻ ബാങ്ക്. മെയ് 31 വരെയാണ് ഈ പദ്ധതി.
2 മാസ കാലാവധിയ്ക്ക് 25,000/- രൂപ വരെ സ്വർണ്ണ പണയ വായ്പ അനുവദിക്കും. സ്വർണം പണയം വയ്ക്കാൻ മറ്റ് ധനകാര്യ സ്ഥാപനങ്ങൾ നല്ലൊരു തുക പ്രോസസിംഗ് ഫീസ് ഇനത്തിൽ വാങ്ങുന്ന സാഹചര്യത്തിലാണ് ആ തുക ഒഴിവാക്കി വായ്പ അനുവദിക്കുന്നതെന്ന് ബാങ്ക് ചെയർമാൻ കെ. എഫ് കുര്യൻ, വൈസ് ചെയർമാൻ അഡ്വ. ഷോൺ ജോർജ്, ജനറൽ മാനേജർ എബിൻ എം എബ്രഹാം എന്നിവർ അറിയിച്ചു.
