കുറവിലങ്ങാട്: അന്തരിച്ച ഡിസിസി ജനറൽ സെക്രട്ടറി ജോബോയ് ജോർജിന്റെ രണ്ടാം ചരമവാർഷികം വിവിധ പരിപാടികളോടെ ആചരിച്ചു. രാവിലെ കുറവിലങ്ങാട് പള്ളിയിൽ നടന്ന അനുസ്മരണ ചടങ്ങിൽ മന്ത്രി പി.സി. വിഷ്ണുനാഥ് ഉൾപ്പെടെയുള്ള രാഷ്ട്രീയ നേതാക്കളും കുടുംബാംഗങ്ങളും പങ്കെടുത്തു.
കോട്ടയം ഡിസിസി ഓഡിറ്റോറിയത്തിൽ നടന്ന അനുസ്മരണ യോഗം മുൻ മന്ത്രിയും കെപിസിസി രാഷ്ട്രീയകാര്യ സമിതി അംഗവുമായ കെ.സി. ജോസഫ് ഉദ്ഘാടനം ചെയ്തു. റീൽ രാഷ്ട്രീയത്തിന്റെ കാലത്ത് റിയൽ രാഷ്ട്രീയം പിന്തുടർന്ന നേതാവായിരുന്നു ജോബോയ് ജോർജെന്ന് കെ.സി. ജോസഫ് അനുസ്മരിച്ചു.
.ഡിസിസി ജനറൽ സെക്രട്ടറി യൂജിൻ തോമസ് അധ്യക്ഷത വഹിച്ചു. എംഎൽഎമാരായ നാട്ടകം സുരേഷും ചാണ്ടി ഉമ്മനും അനുസ്മരണ പ്രഭാഷണം നടത്തി. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, മുനിസിപ്പൽ ചെയർമാൻ എം.പി. സന്തോഷ്കുമാർ, യുഡിഎഫ് ജില്ലാ ചെയർമാൻ ഫിൽസൺ മാത്യു, കെപിസിസി ജനറൽ സെക്രട്ടറിമാരായ കുഞ്ഞില്ലംപള്ളി, ടോമി കല്ലാനി, ജെയ്ജീ പാലയ്ക്കലോടി, ബിജു പുന്നത്താനം, ജോബിൻ ജേക്കബ്, ചിന്തു കുര്യൻ തുടങ്ങിയവർ പ്രസംഗിച്ചു.
.അനുസ്മരണത്തിന്റെ ഭാഗമായി കോട്ടയം ജില്ലാ ജനറൽ ആശുപത്രിയിലെ രോഗികൾക്കും കൂട്ടിരിപ്പുകാർക്കും ഉച്ചഭക്ഷണം വിതരണം ചെയ്തു. ഡിസിസി ജനറൽ സെക്രട്ടറി ജെയ്ജീ പാലയ്ക്കലോടി ഉദ്ഘാടനം ചെയ്തു. ആനന്ദ് പഞ്ഞിക്കാരൻ, ജോബിൻ ജേക്കബ്, അരുൺ ജോസഫ്, ജോർജ് പയസ്, കെ.എൻ. നൈസാം, സെബാസ്റ്റ്യൻ ജോയ്, റിച്ചി സാം ലൂക്കോസ്, ജെനിൻ ഫിലിപ്പ്, ജിതിൻ ജോർജ്, ഡാനി രാജു തുടങ്ങിയവർ പങ്കെടുത്തു.
.സ്മൃതിദിനത്തോടനുബന്ധിച്ച് പ്രളയബാധിതരായ നൂറ് കുടുംബങ്ങൾക്ക് ഓണക്കിറ്റുകൾ വിതരണം ചെയ്യുമെന്നും സംഘാടകസമിതി അറിയിച്ചു.
വൈകിട്ട് 7.30ന് ഡീൻ കുര്യാക്കോസ് എംപി ജോബോയ് ജോർജിന്റെ കല്ലറയിലെത്തി പ്രാർഥന നടത്തി. കെ. ബിനുമോൻ എംഎൽഎ വൈകിട്ട് ജോബോയ് ജോർജിന്റെ വീട്ടിലെത്തി കുടുംബാംഗങ്ങളെ സന്ദർശിച്ചു.
0 Comments