പാലാ പരുമലക്കുന്ന് കോളിനിയില് വ്യക്തി വൈരാഗ്യത്തെ തുടര്ന്ന് യുവാവിനെ കഴുത്തറുത്ത് കൊലപ്പെടുത്താന് ശ്രമിച്ച പ്രതിയെ അറസ്റ്റ് ചെയ്തു. അനന്തു എന്ന യുവാവിനെയാണ് കൊലപ്പെടുത്താന് ശ്രമച്ചത്. പാലാ പോലീസ് സ്റ്റേഷനിലെ സാമൂഹ്യ വിരുദ്ധ ലിസ്റ്റില് ഉള്പ്പെട്ട പരുമലക്കുന്ന് ഭാഗത്ത് പരുമല വീട്ടില് 29 വയസുള്ള ജോജോ ജോര്ജ്ജ് ആണ് ആക്രമണം നടത്തിയത്. ഇന്നലെ രാത്രി 7 മണിയോടെയാണ് സംഭവം
അനന്തു താമസിക്കുന്ന പരുമലക്കുന്ന് കോളനിയിലെ വീടിന് മുന്നിലുള്ള വഴിയിലായിരുന്നു സംഭവം. അനന്തുവിനോട് ഉണ്ടായിരുന്ന വ്യക്തിവിരോധം മൂലമാണ് ആക്രമണം ഉണ്ടായത്. ജോജോ കറിക്കത്തി ഉപയോഗിച്ച് അനന്തുവിന്റെ കഴുത്തിന് വെട്ടി കൊലപ്പെടുത്താന് ശ്രമിക്കുകയായിരുന്നു. പ്രതിയെ പാലാ പോലീസ് അറസ്റ്റ് ചെയ്ത് കോടതിയില് ഹാജരാക്കി റിമാന്റ് ചെയ്തു.പരിക്കേറ്റ അനന്തുവിനെ ഉടന് തന്നെ സമീപത്തെ ആശുപത്രിയില് പ്രവേശിപ്പിച്ചു.
പ്രതി ജോജോ ജോര്ജ്ജ് പാലാ പോലീസ് സ്റ്റേഷനില് അടിപിടി, പിടിച്ചുപറി, മോഷണം തുടങ്ങിയ 13 ഓളം കേസുകളില് പ്രതിയാണ്. കൂടാതെ കാപ്പാ നിയമ ലംഘന കേസുകളിലും ഇയാള് ഉള്പ്പെട്ടിട്ടുണ്ട്, പ്രതിയെ നിരവധി തവണ കാപ്പാ നിയമപ്രകാരം ജില്ലയ്ക്ക് പുറത്താക്കിയിട്ടുണ്ട്. പാലാ പോലീസ് സ്റ്റേഷന് ഇന്സ്പെക്ടര് പി.ജെ കുര്യാക്കോസിന്റെ നേതൃത്വത്തില് പാലാ പോലീസ് സ്റ്റേഷന് സബ്ബ് ഇന്സ്പെക്ടര് കെ. ദിലീപ്കുമാര് ഉള്പ്പടെയുള്ള പോലീസ് സംഘമാണ് പ്രതിയെ പിടികൂടിയത്.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
.jpg)
0 Comments