എം.എൽ.എയുടെ ആസ്തിവികസന ഫണ്ടിൽ നിന്നും 3 കോടി രൂപാ ചെലവഴിച്ച് കെ.എസ്.ആർ.ടി.സി കോമ്പൗണ്ടിൽ പുതിയ കൊമേഴ്സ്യൽ കോംപ്ളക്സ് പണിയുമെന്ന് മാണി സി കാപ്പൻ എം.എൽ.എ. ഗതാഗത വകുപ്പ് മന്ത്രി കെ.ബി ഗണേഷ്കുമാറുമായി നടത്തിയ ചർച്ചയിലാണ് ഇതു സംബന്ധിച്ച് തീരുമാനമായതെന്നും മന്ത്രിയുടെ സൗകര്യാർത്ഥം തറക്കല്ലിട്ട് പണി ആരംഭിക്കുമെന്നും എംഎൽഎ പറഞ്ഞു.
പണിപൂർത്തികരിച്ചിരിക്കുന്ന പുതിയ കെട്ടിടത്തിലേക്ക് ഓഫിസുകൾ മാറ്റി പ്രവർത്തനമാരംഭിക്കുന്ന മുറക്ക് പഴയകെട്ടിടം പൊളിച്ചു മാറ്റും. പുതിയ കെട്ടിടത്തിന്റെ മുൻഭാഗം മണ്ണിട്ട് ഉയർത്തി ടാർ ചെയ്ത് ബസുകൾ പാർക്കുകൾ ചെയ്യാനുള്ള സൗകര്യമൊരുക്കും. ഇതിനായി 2024-25 സാമ്പത്തിക വർഷത്തിലെ ബഡ്ജറ്റിൽ 4 കോടി രൂപാ നീക്കിവെച്ചിട്ടുണ്ട്.
തൊടുപുഴ. പുനലൂർ റോഡിന് ആഭിമുഖമായി മൂന്നു നിലകളിലായി പണിയുന്ന ഷോപ്പിംഗ് കോംബ്ലക്സ് നിർമ്മാണത്തിനുള്ള പ്ലാനും എസ്റ്റിമേറ്റും തയ്യാറാക്കി ഡിപ്പാർട്ടുമെന്റിനു സമർപ്പിച്ചിട്ടുണ്ട്. അംഗീകാരം ലഭിച്ചാലുടൻ തുടർ നടപടികൾ ആരംഭിക്കുന്നതാണ്.മന്ത്രിയുമായുള്ള ചർച്ചയിൽ പൊതുമരാമത്തിലെയും കെ.എസ്.ആർ.ടി.സി യിലെയും ഉന്നത ഉദ്യോഗസ്ഥരും ചീഫ് ആർക്കിടെക്റ്റും പങ്കെടുത്തിരുന്നതായി മാണി സി. കാപ്പൻ എം.എൽ.എ അറിയിച്ചു.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments