കെജിഒഎ പാലാ മേഖലാ മാർച്ചും ധർണയും നടത്തി

വിവിധ ആവശ്യങ്ങൾ ഉന്നയിച്ച് കേരള ഗസറ്റഡ് ഓഫീസേഴ്‌സ് അസോസിയേഷൻ സംഘടിപ്പിച്ച മേഖലാ മാർച്ചും ധർണയും  പാലായിൽ നടന്നു.  കേരള ബദൽ സംരക്ഷിക്കുക, 

കേന്ദ്ര സർക്കാരിന്റെ ജനവിരുദ്ധ-തൊഴിലാളി വിരുദ്ധ നയങ്ങൾക്കെതിരേ പോരാടുക,  തൊഴിലാളി വിരുദ്ധ ലേബർ കോഡുകൾ പിൻവലിക്കുക, പിഎഫ്ആർഡിഎ നിയമം പിൻവലിക്കുക,  എല്ലാ ജീവനക്കാർക്കും ഒപിഎസ് പുനസ്ഥാപിക്കുക, സംസ്ഥാനസർക്കാരിന്റെ ജനപക്ഷ ബദലിന്റെ തുടർച്ച ഉറപ്പാക്കുക,

 വർഗീയതയെയും ഭീകരവാദത്തെയും യുദ്ധഭീകരതയെയും ചെറുക്കുക,  ക്ഷാമബത്ത കുടിശിക അനുവദിക്കുക,  ശമ്പള പരിഷ്‌കരണ നടപടികൾ ആരംഭിക്കുക, വിലക്കയറ്റം തടയുക എന്നീ ആവശ്യങ്ങൾ ഉന്നയിച്ചാണ് മേഖലാ മാർച്ചും ധർണയും സംഘടിപ്പിച്ചത്. 

പാലാ മേഖലാ മാർച്ച് പാലാ കെ.എം. മാണി മെമ്മോറിയൽ താലൂക്ക് ആശുപത്രിക്കു സമീപത്തുനിന്ന് ആരംഭിച്ച് പാലാ മിനി സിവിൽ സ്‌റ്റേഷൻ സബ് ട്രഷറി ഓഫീസിനു മുന്നിൽ സമാപിച്ചു. തുടർന്നു നടന്ന ധർണ കെ.ജി.ഒ.എ. സംസ്ഥാന സെക്രട്ടറിയേറ്റംഗം ഡോ. ബോബി പോൾ ഉദ്ഘാടനം ചെയ്തു. ജില്ലാ പ്രസിഡൻ്റ് പി.എം. സുനിൽ കുമാർ അധ്യക്ഷത വഹിച്ചു. സംസ്ഥാന കമ്മിറ്റിയംഗം ഷാജിമോൻ ജോർജ്,  എൻ. ജി. ഒ യൂണിയൻ ജില്ലാ പ്രസിഡൻ്റ് റ്റി ഷാജി,    , ജില്ലാ ജോയിൻ്റ് സെക്രട്ടറി ഡോ. പ്രശാന്ത് സോണി, വൈസ് പ്രസിഡൻ്റ് ഡോ. കെ. ബിജു  കെ.ജി.ഒ.എ. ജില്ലാ വനിതാ കൺവീനർ ഡോ. സീനിയ അനുരാഗ് എന്നിവർ പ്രസംഗിച്ചു.

.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ