ജനവാസകേന്ദ്രത്തിൽ "H "ഗ്രേഡ് മാലിന്യ സ്റ്റോറേജ് നിർമ്മിക്കാൻ നിക്കം നടക്കുന്നതായി പരാതി.

പൂഞ്ഞാർ തെക്കേക്കര ഗ്രാമ പഞ്ചായത്ത് നാലാം വാർഡ് ഈറ്റക്കുന്ന് ഭാഗത്ത് ആരംഭിക്കുവാൻ നീക്കം നടക്കുന്ന എച്ച് ഗ്രേഡ് മാലിന്യ സ്റ്റോറേജ് യൂണിറ്റിനെതിരെ മേഖലയിൽ പ്രതിഷേധം ശക്തമാകുന്നു. നിരവധിയാളുകൾ തിങ്ങി പാർക്കുന്ന നാലാം വാർഡിലെ പ്രധാന സ്ഥലത്താണ് യൂണിറ്റിനുള്ള നിക്കം നടക്കുന്നത്. യൂണിറ്റ് തുടങ്ങിയാൽ ഉണ്ടാകുന്ന പൊതുജനാരോഗ്യ പ്രശ്നങ്ങളിൽ ആശങ്കാകുലരായ പ്രദേശവാസികൾ ഗ്രാമ പഞ്ചായത്തിന് നൽകിയ പരാതിയെ തുടർന്ന് ബിൽഡിംഗ് നിർമ്മാണത്തിനുള്ള അനുമതി താല്കാലികമായി തടഞ്ഞിരിക്കുകയാണ്.

നിർമ്മാണത്തിന് അനുമതി ലഭിക്കാതിരുന്നിട്ടും പാറപൊട്ടിക്കലും മണ്ണ് എടുക്കലും നടത്തിയതിനെതിരെയും പ്രദേശവാസികൾ പഞ്ചായത്തിൽ പരാതി നൽകിയിട്ടുണ്ട്. മുൻപ് യൂണിറ്റ് പ്രവർത്തിച്ചിരുന്നയിടങ്ങളിൽ ജനരോഷമുണ്ടായതിനെ തുടർന്നാണ് അടിവാരത്ത് യൂണിറ്റ് ആരംഭിക്കാൻ ശ്രമം നടക്കുന്നതെന്നാണ് നാട്ടുകാരുടെ ആരോപണം. യൂണിറ്റിനെതിരെ സേവ് അടിവാരം എന്ന പേരിൽ ആക്ഷൻ കൗൺസിലും രൂപികരിച്ചു.

നാടിൻ്റെ പൊതുജനാരോഗ്യം തകർക്കുന്ന യൂണിറ്റ് തുടങ്ങുന്നതിനെതിരെ നിയമപരമായി മുൻപോട്ട് പോകാനാണ് സേവ് അടിവാരം ആക്ഷൻ കൗൺസിലിൻ്റെ തീരുമാനമെന്ന് ചെയ്യർമാൻ പി എൻ സുകുമാരൻ പുത്തൻപുരക്കലും, ജനറൽ കൺവീനർ അഡ്വ. ബിബിൻ മാടപ്പള്ളിയും അറിയിച്ചു.