ബിഷപ് വയലിൽ ഹാളിൽ നടന്ന സമ്മേളനത്തിൽ പാലാ രൂപതാധ്യക്ഷനും കോളേജിന്റെ രക്ഷാധികാരിയുമായ മാർ ജോസഫ് കല്ലറങ്ങാട്ട് അദ്ധ്യക്ഷത വഹിച്ചു. പ്രിൻസിപ്പൽ ഡോ. സിബി ജയിംസ് ആമുഖ വിവരണം നിർവ്വഹിച്ചു.. കേന്ദ്രസഹമന്ത്രി അഡ്വ. ജോർജ്ജ് കുര്യൻ ജൂബിലി ആഘോഷ പരിപാടികൾ ഉദ്ഘാടനം ചെയ്തു പ്രസംഗിച്ചു.
കോളേജിൻ്റെ സ്ഥാപകരും മാർഗ്ഗദർശികളുമായിരുന്ന മഹത് വ്യക്തികൾക്ക് ആദരവ് അർപ്പിച്ചുകൊണ്ട് പാലാ രൂപത മുഖ്യവികാരി ജനറാളും കോളേജ് മാനേജരുമായ ഡോ ജോസഫ് തടത്തിൽ പ്രസംഗിച്ചു . സംസ്ഥാന ജലവിഭവവകുപ്പ് മന്ത്രിയും പൂർവ്വവിദ്യാർത്ഥിയുമായ റോഷി അഗസ്റ്റിൻ പ്ലാറ്റിനം ജൂബിലി ലോഗോ പ്രകാശനം ചെയ്തു.
ജൂബിലി സ്മാരകമായി നിർമ്മിക്കുന്ന പുതിയ ബ്ലോക്കിൻ്റെ മാതൃക കോട്ടയം പാർലമെൻ്റ് അംഗം അഡ്വ. കെ. ഫ്രാൻസിസ് ജോർജ്ജ് അനാഛാദനം ചെയ്തു. നവീകരിച്ച പരീക്ഷ വിഭാഗത്തിൻ്റെ താക്കോൽകൈമാറ്റം കർമ്മം രാജ്യസഭാംഗമായ ജോസ് കെ. മാണി നിവഹിച്ചു. ക്യാമ്പസിൽ, മിയാവാക്കി മാതൃകയിൽ രൂപപ്പെടുത്തുന്ന നഗരവനത്തിൻ്റെ ഉദ്ഘാടനം പത്തനംതിട്ട എംപിയും പൂർവ്വവിദ്യാർത്ഥിയുമായ ആന്റോ ആന്റണി വൃക്ഷത്തൈ നട്ടു നിർവഹിച്ചു.
ജൂബിലി മെമന്റോ പ്രകാശന കർമ്മം പാലാ എം.എൽ.എ മാണി സി. കാപ്പനും ജൂബിലിവർഷ സൂചകമായി 75 ചന്ദനതൈകൾ ക്യാമ്പസിൽ നടന്നതിൻ്റെ ഉദ്ഘാടനം മുൻസിപ്പൽ ചെയർപേഴ്സൺ ഷാജു വി. തുരുത്തനും നിർവ്വഹിച്ചു.
ജൂബിലി വര്ഷത്തിലെ വിവിധ പരിപാടികളുടെ സംക്ഷിപ്താവരണം പൂർവ്വവിദ്യാർത്ഥി സംഘടനയുടെ പ്രസിഡൻ്റ് ഡിജോ കാപ്പന ൻ നടത്തി .നവീകരിച്ച ജിംനേഷ്യത്തിൻ്റെ താക്കോൽദാനം മുൻസിപ്പൽ കൗൺസിലർ ജിമ്മി ജോസഫ് നിർവ്വഹിച്ചു. വിശിഷ്ടാതിഥികളെ മെമന്റോ നല്കി ആദരിച്ചു. . ഓഡിറ്റോറിയത്തിൽ വച്ച് വിദ്യാർത്ഥികളുടെ കലാപരിപാടികളും ഉണ്ടായിരുന്നു . കോളേജ് മാനേജർ റവ ഡോ. ജോസഫ് തടത്തിൽ, പ്രിൻസിപ്പൽ
ഡോ. സിബി ജയിംസ്, വൈസ് പ്രിൻസിപ്പൽ ഡോ. സാൽവിൻ കെ. തോമസ്, ബർസാർ ഫാ. മാത്യു ആലപ്പാട്ടുമേടയിൽ ജൂബിലി കമ്മറ്റി സെക്രട്ടറി ആഷിഷ് ജോസഫ്, പൂർവ്വവിദ്യാർത്ഥി സംഘടനാ പ്രസിഡൻ്റ്, ഡിജോ കാപ്പൻ, സെക്രട്ടറി ഡോ. സാബു ഡി മാത്യു തുടങ്ങിയവർ നേതൃത്വം നൽകി.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments