സംസ്ഥാനത്ത് ഇന്ന് മുതല് നടപ്പാക്കാനിരുന്ന ഡ്രൈവിങ് ടെസ്റ്റ് പരിഷ്കരണം നടപ്പായില്ല. ഡ്രൈവിങ് ടെസ്റ്റ് സ്കൂളുകള് ബഹിഷ്കരിച്ചതോടെ എവിടെയും ടെസ്റ്റ് നടന്നില്ല. പലയിടത്തും ഇപ്പോഴും പ്രതിഷേധം തുടരുകയാണ്. സംസ്ഥാന വ്യാപകമായി പ്രതിഷേധം ഉയര്ന്നതോടെ ടെസ്റ്റ് നിര്ത്തിവച്ചു. പ്രതിഷേധം കണ്ട് പിന്വാങ്ങില്ലെന്നും പരിഷ്കരണവുമായി മുന്നോട്ടുപോകുമെന്നുമാണ് മന്ത്രി കെബി ഗണേഷ്കുമാര് പറഞ്ഞു.
പലയിടത്തും ഗ്രൗണ്ട് അടച്ചുകെട്ടിയ ഡ്രൈവിങ് സ്കൂള് ഉടമകള് വാഹനങ്ങള് കടത്തിവിട്ടില്ല. അപ്രായോഗിക നിര്ദേശമെന്നും നടപ്പാക്കാനാകില്ലെന്നുമാണ് ഡ്രൈവിങ് സ്കൂളുകാരുടെ നിലപാട്. പ്രതിഷേധത്തെ തുടര്ന്ന് പലയിടത്തും ടെസ്റ്റ് നടത്താനാകാതെ മോട്ടോര് വാഹന വകുപ്പ് ഉദ്യോഗസ്ഥര് തിരികെ പോയി. വിവാദ സര്ക്കുലര് പിന്വലിക്കണമെന്നാണ് ഡ്രൈവിങ് സ്കൂള് സംയുക്ത സമരസമിതിയുടെ ആവശ്യം.
പ്രതിദിനം 30പേര്ക്ക് ടെസ്റ്റ് നടത്താനുള്ള സര്ക്കുലറാണ് നിലവിലുള്ളത്. ഈ വിവാദ സര്ക്കുലര് നിലനില്ക്കെ വാക്കാല് മാത്രമാണ് ഇളവുകള് മന്ത്രി നിര്ദേശിച്ചതെന്നും ഉത്തരവായി ഇറക്കിയിട്ടില്ലെന്നുമാണ് ഉദ്യോഗസ്ഥര് പറയുന്നത്.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments