പാലാ: ശാരീരിക അവശതകൾ നേരിടുന്നവർ നോമിനേഷൻ നൽകിയാൽ അവർക്കു റേഷൻ കടകളിൽ പോയതെ റേഷൻ ലഭ്യമാക്കാനുള്ള നടപടികൾ സ്വീകരിച്ചതായി മാണി സി കാപ്പൻ എം എൽ എ അറിയിച്ചു. ബി പി എൽ കാർഡിന് അർഹരായവർ എ പി എൽ കാർഡുകരായി ഉണ്ടെങ്കിൽ അതിനുള്ള അപേക്ഷ ഈ 31 നകം നൽകിയാൽ നടപടി സ്വീകരിക്കുമെന്നും എം എൽ എ പറഞ്ഞു. പഞ്ചായത്ത് തല കമ്മിറ്റിയുടെ ശുപാർശപ്രകാരമാണ് ഇത് നടപ്പാക്കുന്നത്. സിവിൽ സപ്ലൈസ് താലൂക്ക് തല വിജിലൻസ് കമ്മിറ്റി തീരുമാനങ്ങൾ അറിയിക്കുകയായിരുന്നു എം എൽ എ. കടത്തിണ്ണകളിലും മറ്റും കിടക്കുന്ന റേഷൻ കാർഡ് ലഭ്യമല്ലാത്തവർക്കു റേഷൻ കാർഡ് ലഭ്യമാക്കും. ആധാറിൻ്റെയും ആധാർ ഇല്ലാത്തവർക്കു വി ഇ ഒ യുടെ അന്വേഷണത്തിൻ്റെയും അടിസ്ഥാനത്തിലാവും ലഭ്യമാക്കുകയെന്ന് തീരുമാനങ്ങൾ വിശദീകരിച്ചു കൊണ്ട് മാണി സി കാപ്പൻ പറഞ്ഞു. വിശദ വിവരങ്ങൾ താലൂക്ക് സപ്ലൈസ് ഓഫീസിൽ ലഭ്യമാണ്.
ആർ ഡി ഓ ഓഫീസ് സീനിയർ സൂപ്രണ്ട് ഷാഹിന രാമകൃഷ്ണൻ, താലൂക്ക് സപ്ലൈസ് ഓഫീസർ എസ് കണ്ണൻ, ളാലം ബ്ലോക്ക് പഞ്ചായത്ത് പ്രസിഡൻ്റ് സെബാസ്റ്റ്യൻ കട്ടയ്ക്കൽ, അസിസ്റ്റൻ്റ് സപ്ലൈസ് ഓഫീസർ എൻ ജെ സുമി എന്നിവർ പ്രസംഗിച്ചു.
0 Comments