നിയന്ത്രണം വിട്ട് ജീപ്പ് തോട്ടിലേയ്ക്ക് മറിഞ്ഞ് എട്ട് പേര്ക്ക് പരിക്കേറ്റു. ഞായറാഴ്ച രാത്രി 11 മണിയോടെ ഇലവീഴാപൂഞ്ചിറയ്ക്ക് സമീപം മുനിയറയിലെ പൂഞ്ചിറ തോട്ടിലേക്കാണ് ജീപ്പ് മറിഞ്ഞത്. അപകടത്തില് പന്തക്കല്ലുങ്കല് എഡ്വിന് ജോര്ജ് (21), സഹോദരന് നെവിന് ജോര്ജ് (13), ആന്സ് റോയി വരിക്കപ്ലാക്കല് (20), കണ്ടത്തിപറമ്പില് ജോര്ജ് തോമസ് (30), ഏബെല് ജോണ്സണ് കോടിപ്ലാക്കല് (10), അജിന്സ് സാം (13), ജോസഫ് കൊച്ചുപറമ്പില് (27), ഡ്രൈവര് കൂവപ്പള്ളി പുന്നതാനത്ത് ആല്വിന് ഫ്രാന്സിസ് എന്നിവര്ക്കാണ് പരിക്കേറ്റത്.
റോഡില് നിന്നും 60 മീറ്റര് ദൂരത്തിലുള്ള തോട്ടിലേക്കാണ് ജീപ്പ് മറിഞ്ഞത്. സാരമായി പരിക്കേറ്റ ആന് റോയിയെ കോലഞ്ചേരിയിലെ സ്വകാര്യ ആശുപത്രിയിലും മറ്റുള്ളവരെ തൊടുപുഴയിലെ സ്വകാര്യ ആശുപത്രിയിലും പ്രവേശിപ്പിച്ചു. മേലുകാവ് നിന്നുള്ള നാസിക് ഡോള് മേളക്കാര് സഞ്ചരിച്ച ജീപ്പാണ് അപകടത്തില്പെട്ടത്. ചക്കിക്കാവ് പള്ളി പെരുന്നാളിന് മേളത്തിന് പോയി മടങ്ങവെയാണ് അപകടം.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments