ഈരാറ്റുപേട്ടയിൽ വീടിന്റെ അലമാരയിൽ നിന്നും 12 പവൻ കവർന്ന പ്രതി പിടിയിൽ.
ഈരാറ്റുപേട്ട നടയ്ക്കൽ, കൊട്ടുകാപ്പളളി സ്വദേശിയുടെ അലമാരയിൽ സൂക്ഷിച്ചിരുന്ന 1200000/- ( പന്ത്രണ്ട് ലക്ഷം) രൂപ വില മതിക്കുന്ന, 12 പവൻ സ്വർണാഭരണങ്ങളാണ് ഡിസംബർ 27ന് മോഷണം പോയത്. ഈരാറ്റുപേട്ട പോലീസ് നടത്തിയ അന്വേഷണത്തിൽ വീട്ടുടമയുടെ സുഹൃത്തായ നടക്കൽ പേരകത്തുശ്ശേരിൽ സുനീർ പി.കെയാണ് പിടിയിലായത്.
ഉടമയുടെ പരാതിയിൽ ഈരാറ്റുപേട്ട പോലീസ് കേസെടുത്ത് അന്വേഷണം ആരംഭിച്ചിരുന്നു. സംഭവ ദിവസം വീട്ടിൽ എത്തിയ സമയം വീട്ടിൽ ആളില്ല എന്ന് മനസ്സിലാക്കി, വീടിനുള്ളിൽ കടന്ന്, വീടിൻ്റെ രണ്ടാം നിലയിലെ ബെഡ് റൂമിലെ അലമാരയിൽ സൂക്ഷിച്ചിരുന്ന 12 പവൻ
സ്വർണാഭരണങ്ങൾ അപഹരിക്കുകയായിരുന്നു. ശേഷം മോഷണ മുതൽ മൂവാറ്റുപുഴയിലും തൊടുപുഴയിലുമുള്ള ഒരു ജൂവലറിയിൽ പതിനൊന്നര ലക്ഷം രൂപക്ക് വിറ്റ് പണം കൈപ്പറ്റിയതായും അന്വേഷണത്തിൽ വെളിവായി.
പിന്നീട് നടന്ന അന്വേഷണത്തിൽ പ്രതി സുനീറിനെ ഈരാറ്റുപേട്ട നടക്കൽ ഭാഗത്ത് നിന്നും കണ്ടെത്തി ഈരാറ്റുപേട്ട പോലീസ് അറസ്റ്റ് ചെയ്യുകയുമായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments