പൂഞ്ഞാർ മങ്കൊമ്പുംകാവ് ഭഗവതി ക്ഷേത്രത്തിൽ അഷ്ടബന്ധകലശവും പരിഹാര ക്രിയകളും ക്ഷേത്രം തന്ത്രി ഹരിപ്പാട് പുല്ലാംവഴി ദേവൻ സനൽനാരായണൻ നമ്പൂതിരിയുടെയും ക്ഷേത്രം മേൽശാന്തി കരിമ്പനയ്ക്കൽ മഠം ശ്രീനിവാസൻ പോറ്റിയുടെയും കാർമ്മികത്വത്തിൽ നവംബർ 27 മുതൽ 30 വരെ ( വ്യാഴം, വെളളി, ശനി, ഞായർ) തീയതികളിൽ നടക്കും.അതിപുരാതനവും പൂഞ്ഞാറിന്റെ ചരിത്രത്തോളം തന്നെ പഴക്കമുള്ളതുമാണ് മങ്കൊമ്പുംകാവ് ഭഗവതി ക്ഷേത്രം.
പന്ത്രണ്ട് വർഷത്തിലൊരിക്കൽ ചെയ്യേണ്ടതായ അഷ്ടബന്ധവും കലശങ്ങളും ക്ഷേത്രത്തിൽ വളരെ നാളുകളായി മുടങ്ങികിടക്കുകയായിരുന്നു. ദേവീ ചൈതന്യവർദ്ധനവിനും അറിഞ്ഞോ അറിയാതെയോ സംഭവിച്ച ദോഷങ്ങൾക്കും, അശുദ്ധികൾക്കും പരിഹാര മായിട്ടാണ് ഈ ക്രിയകൾ നടത്തപ്പെടുന്നത്.
ഭഗവത്ബിംബവും പീഠവും ഒന്നു ചേർക്കുന്നതാണ് അഷ്ടബന്ധം. ഈ അഷ്ടബന്ധത്തിൻ്റെ ജീർണ്ണതയിൽ ഭക്തജനങ്ങൾക്കും നാട്ടുകാർക്കും വിവിധ ദോഷങ്ങളും രോഗപീഡകളും മറ്റുബുദ്ധിമുട്ടുകളും അനുഭവ പ്പെടാവുന്നതാണ്.
ഈ വിധമുള്ള ദോഷപരിഹാരങ്ങൾക്കായാണ് അഷ്ടബന്ധ കളശം നടത്തുന്നത്.
27ന് രാവിലെ പതിവ് പൂജകൾ, വഴിപാടുകൾ, വൈകിട്ട് 6.30 ന് ദീപാരാധന, 7 മുതൽ ആചാര്യ വരണം, പ്രാസാദശുദ്ധി ക്രിയകൾ, രാക്ഷോത്തഹോമം, വാസ്തു ഹോമം, വാസ്തുബലി, അത്താഴപൂജ.
28 ന് രാവിലെ 9 മുതൽ ബിംബശുദ്ധി ക്രിയകൾ, പഞ്ചഗവ്യം, പഞ്ചകം, കലശാഭിഷേകം, പ്രായശ്ചിത്ത ഹോമം, ഉച്ചപൂജ. വൈകിട്ട് 7 മുതൽ കണ്ഠ ശുദ്ധി, അത്താഴപൂജ.
29 ന് രാവിലെ 9 മുതൽ തത്വഹോമം, തത്വകലശ പൂജ, മരപ്പാണി, കലശാഭിഷേകം, ബ്രഹ്മകലശപൂജ, ഉച്ചപൂജ. വൈകിട്ട് 7 മുതൽ പരികലശ പൂജ, അധിവാസഹോമം, കലശാധിവാസം, അത്താഴപൂജ
29 ന് രാവിലെ 9 മുതൽ അധിവാസത്തിൽ ഉഷപൂജ, മരപ്പാണി, പരി കലശാഭിഷേകം.
11.30 മുതൽ അഷ്ടബന്ധസ്ഥാപനം, മഹാ ദീപാരാധന, അന്നദാനം എന്നിവയാണ് പ്രധാന പരിപാടികൾ.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments