പാലാ: ജീവിതത്തിൽ നേരിട്ട പല പ്രതിസന്ധികളെയും പരിമിതികളെയും പോസിറ്റീവായി നേരിട്ടതാണ് തൻ്റെ ജീവിത വിജയത്തിന് കാരണമായി മാറിയതെന്ന് കാഴ്ചാ പരിമിതി നേരിടുന്ന പ്രമുഖ ബിസിനസ് സംരംഭക ജാസ്മിൻ അജി പറഞ്ഞു.
സഫലം 55 പ്ലസ് അംഗങ്ങൾ നൽകിയ സ്വീകരണത്തിൽ പങ്കെടുത്ത് പ്രസംഗിക്കുകയായിരുന്നു അവർ.
മകന് പിടിപെട്ട മാരകരോഗം ചികിത്സിക്കുന്നതിനിടയിലാണ് തൻ്റെ കണ്ണിനു ഗുരുതരമായ രോഗം ബാധിച്ചിരിക്കുന്നു എന്നും കാഴ്ച ശക്തി ക്ഷയിച്ച് കൊണ്ടിരിക്കുകയാണ് എന്നും ഡോക്ടറിൽ നിന്നും അറിയുന്നത്.ജീവിതം വഴി മുട്ടിയിട്ടും തോറ്റ് കൊടുക്കാൻ തയ്യാറല്ലായിരുന്നു.വീട്ടിൽ വെറുതെ ഇരിക്കുന്നതിന് പകരം ഭർത്താവിൻ്റെ സഹായത്തോടെ നെയ്യപ്പം പോലുള്ള പലഹാരങ്ങൾ ഉണ്ടാക്കി വിൽക്കാൻ തുടങ്ങി.
ഇതോടൊപ്പം മറ്റ് പല ഉൽപന്നങ്ങളും മാർക്കറ്റിലിറക്കി.ഇന്നത് നിരവധി പേർക്ക് തൊഴിൽ നൽകുന്ന വലിയൊരു സ്ഥാപനമായി മാറി: ജാസ്മിൻ അജി വിശദീകരിച്ചു.
ജയിംസ് മാത്യു അധ്യക്ഷത വഹിച്ചു.സഫലം 55 പ്ലസ് സെക്രട്ടറി വി. എം.അബ്ദുള്ള ഖാൻ,ഹാൻസ് അഗസ്റ്റിൻ,രവി പുലിയന്നൂർ,ഡോ. എം. എ.ബാബു,അജി അഗസ്റ്റിൻ,എൻ. ജി.രവീന്ദ്രൻ,സുകുമാരൻ,സുഷമ രവീന്ദ്രൻ,ആനന്ദ ചന്ദ്രൻ എന്നിവർ പ്രസംഗിച്ചു.
.
വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ
0 Comments