പൂഞ്ഞാർ സെന്റ് മേരിസ് പള്ളിയിലെ അസിസ്റ്റന്റ് വികാരിയെ പള്ളിമുറ്റത്ത് എത്തിയ യുവാക്കൾ വാഹനം ഇടിപ്പിച്ചതായി ആക്ഷേപം. ഫാ. തോമസ് ആറ്റുച്ചാലിലിനാണ് പരിക്കേറ്റത്.
ഒരുകൂട്ടം യുവാക്കൾ പള്ളിമുറ്റത്ത് ബൈക്ക് റൈസിങ് നടത്തിയത് വിലക്കിയതിനെ തുടർന്ന് വെെദികനെ വാഹനം ഇടിപ്പിക്കുകയായിരുന്നു. ഏതാനും കാറുകളും ഈ സംഘത്തിൽ ഉണ്ടായിരുന്നു.
ഗേറ്റുകൾ അടയ്ക്കാൻ ശ്രമിക്കുന്നതിനിടയാണ് സംഭവം. വെെദികനെ പരിക്കുകളോടെ ചേർപ്പുങ്കൽ മാർ സ്ലീവ ആശുപത്രിയിൽ പ്രവേശിപ്പിച്ചു .
വൈദികന്റെ കൈമുട്ടുകൾക്ക് പരിക്കുണ്ട്. നോമ്പ് കാലത്ത് വെള്ളിയാഴ്ച പള്ളിയിൽ ആരാധന നടക്കുമ്പോഴാണ് സംഭവം ഉണ്ടായത്.
ഈരാറ്റുപേട്ട പോലീസും പാലാ ഡിവൈഎസ്പിയും പള്ളിയിലെത്തി.
വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ
2 Comments