Latest News
Loading...

പെരിങ്ങുളം സെന്റ് അഗസ്റ്റിൻസ് ഹൈസ്കൂളിൽ "യോദ്ധാവ് " പ്രോഗ്രാം

 കേരളാ പോലീസ് മയക്കുമരുന്നിനെതിരെ നടത്തുന്ന "യോദ്ധാവ് "എന്ന പദ്ധതി പെരിങ്ങുളം സെന്റ് അഗസ്റ്റിൻസ് ഹൈസ്കൂളിൽ നടന്നു.ഹെഡ്മാസ്റ്റർ സോണി തോമസ് അധ്യക്ഷത വഹിച്ചു. ഈരാറ്റുപേട്ട ജനമൈത്രി പോലീസ് ബിറ്റ് ഓഫീസർ അസി.സബ് ഇൻസ്പെക്ടർ ബിനോയ് തോമസ് ക്ലാസ് നയിച്ചു.

 കേരളാ പോലീസ് മയക്കുമരുന്നിനെതിരെ നടത്തുന്ന ബോധവൽക്കരണ പരിപാടിയിൽ എല്ലാവരും സജീവ പ്രവർത്തകരായി അണിചേർന്ന് ലഹരി വിരുദ്ധ നാടിനായി കൈകോർക്കണമെന്ന് ബിനോയ് തോമസ് പറഞ്ഞു. ലഹരിവസ്തുക്കളുടെ ഉപയോഗം യുവതലമുറയെയും , സമൂഹത്തെയും കാർന്നുതിന്നുന്ന പ്രശ്നമായി മാറി കഴിഞ്ഞിരിക്കുന്നുവെന്നും, വിദ്യാർത്ഥികളും യുവാക്കളും ഇതിനെതിരെ യോദ്ധാക്കളായി ഉണർന്നു പ്രവർത്തിക്കേണ്ട സമയങ്ങൾ അതിക്രമിച്ചിരിക്കുന്നുവെന്നും അദ്ദേഹം കൂട്ടി ചേർത്തു.

പിറ്റിഎ പ്രസിഡന്റ് സജി കദളിക്കാട്ടിൽ, അധ്യാപകരായ ആന്റണി ജോസഫ് , ജിനു ജോസഫ് , റീനാ ഫ്രാൻസീസ്, റെജി ഫ്രാൻസീസ് , ജിജി ജോർജ് , വിദ്യാർത്ഥി പ്രതിനിധികളായ ഏബിൾ ആന്റണി റോബിൻ, അലീനാ ബിനോഷ് എന്നിവർ പ്രസംഗിച്ചു.