പാലായില്‍ വിവിധ അപകടങ്ങളിലായി 8 പേര്‍ക്ക് പരിക്കേറ്റു

പാലായ്ക്ക് സമീപം 2 അപകടങ്ങളിലായി 8 പേര്‍ക്ക് പരിക്കേറ്റു. പാലാ കുറിഞ്ഞി, വലവൂര്‍ എന്നിവിടങ്ങളിലാണ് അയ്യപ്പ തീര്‍ത്ഥാടകരുടെ വാഹനങ്ങള്‍ അപകടത്തില്‍പെട്ടത്. പരിക്കേറ്റവരില്‍ 5 പേര്‍ തീര്‍ത്ഥാടകരാണ്.

വലവൂര്‍ ടൗണിന് സമീപം 12.30 തേടെയാണ് തീര്‍ത്ഥാടകസംഘം സഞ്ചരിച്ചിരുന്ന വാഹനം മതിലിലിടിച്ച് അപകടുണ്ടായത്. നിയന്ത്രണംവിട്ട വാഹനം സമീപത്തെ മതിലില്‍ ഇടിക്കുകയായിരുന്നു. 5 തീര്‍ത്ഥാടകര്‍ക്ക് അപകടത്തില്‍ പരിക്കേറ്റു.ആരുടെയും നില ഗുരുതരമല്ല. അന്ധ്രയില്‍ നിന്നുള്ള സംഘം സഞ്ചരിച്ച വാഹനമാണ് ഒപകടത്തില്‍പെട്ടത്.

സ്ഥിരം അപകടമേഖലയായ തൊടുപുഴ പാലാ റൂട്ടില്‍ കുറിഞ്ഞി ഷാപ്പിന് സമീപമാണ് മറ്റൊരു അപകടമുണ്ടായത്. തീര്‍ത്ഥാടക സംഘം സംഞ്ചരിച്ചിരുന്ന മിനി ബസും, കാറും തമ്മില്‍ കൂട്ടിയിടിക്കുകയായിരുന്നു. ചെന്നൈയില്‍ നിന്നുള്ള സംഘം സഞ്ചരിച്ചിരുന്ന വാഹനമാണ് അപകടത്തിന്‍ പെട്ടത്. 20 പേരായിരുന്നു വാഹനത്തിന്‍ ഉണ്ടായിരുന്നത്. അപകടത്തില്‍ കാറിലുണ്ടായിരുന്ന കരിങ്കന്നം സ്വദേശികളായ 3 പേര്‍ക്ക് പരിക്കേറ്റു.

തൊടുപുഴ ഭാഗത്തേയ്ക്ക് പോവുകയായിരുന്ന കാറാണ് ശബരിമലയിലേക്ക് പോയ മിനി ബസുമായി കൂട്ടിയിടിച്ചത്. പരിക്കേറ്റ രണ്ട് പേരെ പ്രവിത്താനത്തെ സ്വകാര്യ ആശുപത്രിയിലും ഒരാളെ കാരിത്താസ് ആശുപത്രിയിലും പ്രവേശിപ്പിച്ചു.