ഇന്ന് പുലർച്ചെ ഈരാറ്റുപേട്ട ഈലക്കയത്ത് പൂഞ്ഞാർ പനച്ചികപ്പാറ സ്വദേശിയായ അഭിജിത്ത് അപകടത്തിൽപ്പെട്ട് മരിച്ചത് തൊടുപുഴയിലേക്ക് പോകും വഴി. ഫുഡ് ആൻഡ് സേഫ്റ്റി വകുപ്പിന് വേണ്ടി കരാർ അടിസ്ഥാനത്തിൽ വാഹനം ഓടിക്കുകയായിരുന്നു അഭിജിത്. രാവിലെ തൊടുപുഴയിലേക്ക് പോകും വഴി 4.55 ന് ആയിരുന്നു അപകടം.
ബൈക്ക് ഓടിക്കുന്നതിനിടെ ഉറങ്ങിപ്പോയതാണ് അപകടകാരണമെന്നാണ് ദൃശ്യങ്ങളിൽ നിന്നും വ്യക്തമാവുന്നത്. അഭിജിത്തിനെ ഈരാറ്റുപേട്ട സൺറൈസ് ആശുപത്രിയിൽ എത്തിച്ചെങ്കിലും മരണം സംഭവിച്ചു. മൃതദേഹം പോസ്റ്റ്മോർട്ടത്തിനായി കോട്ടയം മെഡിക്കൽ കോളേജിലേക്ക് കൊണ്ടുപോയി. ഗോവയിൽ ആയിരുന്ന സഹോദരൻ നാട്ടിലേക്ക് പുറപ്പെട്ടിട്ടുണ്ട്. ഒരു സഹോദരി കൂടി ഉണ്ട്. സംസ്കാരകർമ്മങ്ങൾ നാളെ നടക്കും.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments