കേരളാ കോൺഗ്രസ് ഡെമോക്രാറ്റിക്ക് പാർട്ടിയുടെ സംസ്ഥാന കമ്മിറ്റി ഓഫീസ് കോട്ടയം ശാസ്ത്രി റോഡിൽ ലോഗോസ് ജംഗ്ഷനിൽ ജനുവരി 2 ബുധനാഴ്ച്ച ഉദ്ഘാടനം ചെയ്യുമെന്ന് ചെയർമാൻ സജി മഞ്ഞക്കടമ്പിൽ വാർത്താസമ്മേളനത്തിൽ അറിയിച്ചു. എൻ.ഡി.എ. സംസ്ഥാന ചെയർമാൻ കെ.സുരേന്ദ്രൻ ഓഫിസിന്റെ ഉദ്ഘാടനം നിർവ്വഹിക്കും.
സജി മഞ്ഞക്കടമ്പിൽ അദ്ധ്യക്ഷത വഹിക്കും. എൻ.ഡി.എ യുടെയും, കേരളാ കോൺഗ്രസ് ഡെമോക്രാറ്റിക്ക് പാർട്ടിയുടെയും സംസ്ഥാന-ജില്ലാ നേതാക്കൾ ചടങ്ങിൽ പങ്കെടുക്കും. ഉദ്ഘാടനത്തിന് ശേഷം നടക്കുന്ന സംസ്ഥാന സെക്രട്ടറിയേറ്റ് യോഗത്തിൽ വികലമായ വഖഫ് നിയമ ഭേദഗതിയെക്കുറിച്ചും , കേരളത്തിലെ വിദ്യാർത്ഥി സമൂഹത്തെ വഴി തെറ്റിക്കുന്ന കലാലയ രാഷ്ട്രീയം നിരോധിക്കുന്നതിന് പാർട്ടിയുടെ നേതൃത്വത്തിൽ ഇടപെടൽ നടത്തുന്നതിനെക്കുറിച്ചും ചർച്ച ചെയ്യുമെന്നും പാർട്ടി ചെയർമാൻ സജി മഞ്ഞക്കടമ്പിൽ പറഞ്ഞു.
വൈസ് ചെയർമാൻ പ്രെഫ.ബാലു ജി വെള്ളിക്കര, കോട്ടയം ജില്ലാ പ്രസിഡന്റ് ഗണേഷ് ഏറ്റുമാനൂർ, നേതാക്കളായ ലൗജിൻ മാളിയെക്കൽ, മോഹൻ ദാസ് അമ്പലാറ്റിൽ , രാജെഷ് ഉമ്മൻ കോശി, തുടങ്ങിയവർ വാർത്താ സമ്മേളനത്തിൽ പങ്കെടുത്തു.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments