"കുട്ടികൾ കൃഷിയിലേക്ക് " പരിപാടിയുമായി പാലാ രൂപത

News Editor Friday, June 23, 2023

കാർഷിക രംഗത്തേക്ക് പുതു തലമുറയെ ആകർഷിക്കാനും സ്കൂൾ കാമ്പസുകളെ ഹരിത ഉദ്യാനങ്ങൾ സൃഷ്ടിക്കുന്നതിനും ലക്ഷ്യം വെച്ച് പാലാ രൂപതാ കോർപ്പറേറ്റ് എഡ്യുക്കേഷൻ ഏജൻസിയും പാലാ സോഷ്യൽ വെൽഫെയർ സൊസൈറ്റിയും സംയുക്‌തമായി "കുട്ടികൾ കൃഷിയിലേക്ക് " എന്ന കാമ്പയിനു തുടക്കമായി. സ്കൂൾ ഉച്ചക്കഞ്ഞിക്ക് പച്ചക്കറി സ്വയം പര്യാപ്തതയും പുതിയൊരു കാർഷിക സംസ്കാരവും ലക്ഷ്യം വെച്ചു സംഘടിപ്പിക്കുന്ന കാമ്പയിന്റെ ഭാഗമായി സ്കൂളുകൾക്കായി വിവിധതലങ്ങളിൽ കൃഷി മൽസരം സംഘടിപ്പിക്കും.

എൽ. പി , യു.പി, ഹൈസ്കൂൾ, ഹയർ സെക്കണ്ടറി വിഭാഗങ്ങളിലായി സ്കൂളുകൾ, പി.റ്റി.എ, ചാർജ് അധ്യാപകർ, കർഷക വിദ്യാർത്ഥി എന്ന വിധം അവാർഡുകളും ഉപഹാരങ്ങളും സമ്മാനിക്കും. ആദ്യ ഘടത്തിൽ എല്ലാ സ്ക്കൂളൂകളിലും കാർഷിക ക്ലബ്ബുകൾ ആരംഭിക്കുന്ന കൃഷി വകുപ്പുകളുടെ സഹകരണത്തോടെ കൃഷി വിജ്ഞാന സദ സദസ്സുകൾ സംഘടിപ്പിക്കും. പാലാ അഗ്രിമ കർഷകമാർക്കറ്റ് ഓഡിറ്റോറിയത്തിൽ നടന്ന പദ്ധതി പ്രഖ്യാപന സമ്മേളനം കോർപ്പറേറ്റ് എഡ്യുക്കേഷണൽ ഏജൻസി സെക്രട്ടറി ഫാ. ബർക്കുമാൻസ് കുന്നുംപുറം ഉദ്ഘാടനം ചെയ്തു.

പാലാ സോഷ്യൽ വെൽഫെയർ സൊസൈറ്റി ഡയറക്ടർ ഫാ.തോമസ് കിഴക്കേൽ അദ്ധ്യക്ഷത വഹിച്ചു. കൃഷി ഓഫീസർ അഖിൽ രാജ്, ഫാ.ജോസഫ് താഴത്തുവരിക്കയിൽ , ഡാന്റീസ് കൂനാനിക്കൽ , സിബി മാത്യു കണിയാംപടി, മെർളി ജയിംസ്, ലിജോ ആനിത്തോട്ടം എന്നിവർ പ്രസംഗിച്ചു. ബ്രദർ ഡിറ്റോ ഇടമനശ്ശേരിൽ, വിൻസി മാത്യു, ആന്റോ കാവുകാട്ട്, സജി നാഗമറ്റം, ജസ്റ്റിൻ ജോസഫ്, പി.വി.ജോർജ് , സൗമ്യാ ജയിംസ്, ആലീസ് ജോർജ് തുടങ്ങിയവർ നേതൃത്വം കൊടുത്തു.

🔰🔅🔰🔅🔰🔅🔰

മറ്റ് ഗ്രൂപ്പ് അംഗങ്ങളിൽ നിന്നും നിങ്ങളുടെ നമ്പർ മറച്ചു വയ്ക്കാൻ ആഗ്രഹിക്കുന്നുവോ ? കൂടുതൽ സ്വകാര്യത ലഭിക്കുന്ന വാട്സ് ആപ്പ് കമ്മ്യൂണിറ്റിയിൽ അംഗമാകൂ.