ഈരാറ്റുപേട്ട വിദ്യാഭ്യാസ ഉപജില്ലാ ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര പ്രവൃത്തിപരിചയ മേളകള്‍ 2022 ഒക്ടോബര്‍ 19 ,20 (ബുധൻ, വ്യാഴം) തീയതികളിൽ കാളകെട്ടി അച്ചാമ്മ മെമ്മോറിയൽ ഹയർ സെക്കൻഡറി സ്‌കൂളിൽ വെച്ചു നടത്തപ്പെടുന്നു.
പ്രൈമറി തലം മുതൽ ഹയർസെക്കൻഡറി തലം വരെയുള്ള വിദ്യാർത്ഥികളുടെ വ്യത്യസ്ത കഴിവുകൾ പ്രകാശിപ്പിക്കുന്നതിനും അവയെ പരിപോഷിപ്പിക്കുന്നതിനും ലക്ഷ്യമിടുന്ന സ്‌കൂൾ ശാസ്ത്രോത്സങ്ങൾ പങ്കെടുക്കുന്നവരിലും സന്ദർശകരിലും ശാസ്ത്രാഭിരുചിയും അവബോധവും വർധിപ്പിക്കുന്നവയാണ്.
ഒക്ടോബർ 19 ബുധനാഴ്ച്ച രാവിലെ 09.30 നു സ്‌കൂൾമാനേജർ വെരി.റവ. ഫാ. സെബാസ്റ്റ്യൻ കൊല്ലംകുന്നേലിന്റെ അധ്യക്ഷതയിൽ ചേരുന്ന സമ്മേളനം കേരളാ സർക്കാർ ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്യും.
തുടർന്ന്, ശാസ്ത്ര ഗണിതശാസ്ത്ര മേളകളും 20-)൦ തീയതി വ്യാഴാഴ്ച സാമൂഹ്യശാസ്ത്ര പ്രവൃത്തി പരിചയ മേളകളും നടത്തപ്പെടുന്നു. വ്യാഴാഴ്ച ഉച്ചകഴിഞ്ഞു 4.00 നു നടക്കുന്ന സമാപന സമ്മേളനത്തിൽ പൂഞ്ഞാർ എം എൽ എ അഡ്വ. സെബാസ്റ്റ്യൻ കുളത്തുങ്കൽ ഉദ്‌ഘാടനവും കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് ശ്രീമതി അജിതാ രജീഷ് വിജയികൾക്കുള്ള സമ്മാന വിതരണവും നിർവഹിക്കും.
0 Comments