കോട്ടയം മാണിക്കുന്നത്ത് യുവാവിനെ കുത്തിക്കൊന്നു. പുതുപ്പള്ളി മാങ്ങാനം സ്വദേശി ആദര്ശ് ആണ് കൊല്ലപ്പെട്ടത്. സംഭവത്തില് കോട്ടയം നഗരസഭ മുന് കൗണ്സിലര് അനില്കുമാറിനേയും മകന് അഭിജിത്തിനേയും പൊലീസ് കസ്റ്റഡിയിലെടുത്തു. ഇന്നലെ രാത്രിയിലാണ് സംഭവം. അനില്കുമാറിന്റെ വീടിനു മുന്നില് വച്ചാണ് സംഭവം.
ആദര്ശും സുഹൃത്തുക്കളും അര്ദ്ധരാത്രിയോടെ അഭിജിത്തിന്റെ വീട്ടിലെത്തി ബഹളമുണ്ടാക്കുകയായിരുന്നു. ഇത് സംഘര്ഷത്തിലെത്തുകയും അഭിജിത്ത് കത്തിയെടുത്ത് ആദര്ശിനെ കുത്തുകയുമായിരുന്നു. ബോധരഹിതനായ ആദര്ശിനെ കോട്ടയം മെഡിക്കല് കോളേജിലേക്ക് എത്തിച്ചെങ്കിലും മരണം സംഭവിച്ചിരുന്നു. ലഹരിക്കച്ചവടത്തിലെ സാമ്പത്തിക തര്ക്കമാണ് കൊലപാതകത്തില് കലാശിച്ചത്.
ആദര്ശിന്റെ കൈയ്യില് നിന്ന് ലഹരി മരുന്ന് അഭിജിത്ത് വാങ്ങിയിരുന്നെങ്കിലും, പണം നല്കിയിരുന്നില്ല. പുതുപ്പള്ളി സ്വദേശിയായ ആദര്ശ്, കോട്ടയം നഗരത്തില് മാണിക്കുന്നത്തുള്ള അനില്കുമാറിന്റെ വീട്ടില് എത്തി പ്രശ്നം ഉണ്ടാക്കി. ഇതേത്തുടര്ന്നുള്ള തര്ക്കത്തിലാണ് ആദര്ശ് കൊലപ്പെട്ടത്.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments