ന്യൂനമര്ദ്ദത്തെ തുടര്ന്ന് കേരളത്തില് അനുഭവപ്പെടുന്ന ശക്തമായ മഴയിലും കാറ്റിലും പരക്കെ നാശനഷ്ടം. മധ്യകേരളത്തില് വിവിധയിടങ്ങളില് കാറ്റ് നാശം വിതച്ചു. പൂഞ്ഞാര് തെക്കേക്കര പഞ്ചായത്തിലെ പാതാന്പുഴ അരുവിക്കച്ചാല് ഭാഗത്ത് കാറ്റില് മരം വീണ് വീടിന് നാശനഷ്ടമുണ്ടായി.
അന്പഴത്തുങ്കല് മാത്യുവിന്റെ വീടിന് മുകളിലേയ്കാണ് ആഞ്ഞിലി മരം കടപുഴകി വീണത്. ചെറിയ മരമായിരുന്നതിനാല് വലിയ അപകടം ഒഴിവായി. അയല്വാസിയുടെ പുരയിടത്തില് നിന്നിരുന്ന മരമാണ് വീടിന് മുകളിലേയ്ക് പതിച്ചത്.
രാവിലെ എട്ട് മണിയോടെയാണ് പ്രദേശത്ത് ശക്തമായ കാറ്റ് വീശിയത്. നിരവദി വൈദ്യുതി ലൈനുകളിലേയ്കും മരം വീണിട്ടുണ്ട്. ഇതോടെ പ്രദേശത്ത് വൈദ്യുതി മുടങ്ങിയിരിക്കുകയാണ്.
മധ്യകേരളത്തിൽ ശക്തമായ മഴയാണ് ഇന്ന് രേഖപ്പെടുത്തിയത്. എറണാകുളം, ഇടുക്കി, കോട്ടയം, പത്തനംതിട്ട ജില്ലകളിൽ കനത്ത മഴയാണ് പെയ്തത്. മഴയോടൊപ്പം എത്തിയ കാറ്റിലും എറണാകുളം, ഇടുക്കി ജില്ലകളിൽ വ്യാപകനാശം റിപ്പോർട്ട് ചെയ്തു. ഇടുക്കി പടിഞ്ഞാറേ കോടിക്കുളത്ത് ഒട്ടേറെ വീടുകള്ക്ക് മുകളില് മരംവീണു. മരങ്ങള് കടപുഴകി പലയിടത്തും ഗതാഗതം തടസപ്പെട്ടു. വ്യാപക കൃഷിനാശവുമുണ്ട്.
0 Comments