അഡീഷണല്‍ എസ്പി ഉള്‍പ്പെടെയുള്ള ഡിവൈഎസ്പിമാരെ സ്ഥലം മാറ്റി
_പാലാ ഡിവൈഎസ്പിയെ മാത്രമാണ് മാറ്റി നിയമിക്കാത്തത്._
ജില്ലാ പോലീസില്‍ വന്‍ അഴിച്ചുപണി. ജില്ലയിലെ അഡീഷണല്‍ എസ്പി ഉള്‍പ്പെടെയുള്ള ഡിവൈഎസ്പിമാരെ സ്ഥലം മാറ്റി.നിലവില്‍ കോട്ടയം അഡീഷണല്‍ എസ്പിയായ എ.യു. സുനില്‍കുമാറിനെ ഇടുക്കി അഡീഷണല്‍ എസ്പിയാക്കി.
അവിടെ നിന്നും എസ്. സുരേഷ്‌കുമാറിനെയാണ് കോട്ടയത്തേക്ക് നിയമിച്ചിരിക്കുന്നത്.
കോട്ടയം ഡിവൈഎസ്പിയായി കട്ടപ്പനയില്‍ നിന്നും ജെ. സന്തോഷ്‌കുമാറിനെയാണ് നിയമിച്ചത്.ജില്ലയില്‍ ആഡീഷണല്‍ എസ്പിയായി എത്തുന്ന സുരേഷ് കുമാര്‍ അടുത്തയാഴ്ച ചാര്‍ജെടുക്കും.
കോട്ടയം, ചങ്ങനാശേരി, കാഞ്ഞിരപ്പള്ളി, വിജിലന്‍സ് എന്നിവിടങ്ങളില്‍ ഡിവൈഎസ്പി ആയിരുന്നു. കൂടാതെ പാലാ, പൊന്‍കുന്നം, കോട്ടയം വെസ്റ്റ്, വിജിലന്‍സ് തുടങ്ങിയിടങ്ങളില്‍ സിഐ ആയും സേവനമനുഷ്ഠിച്ചിട്ടുണ്ട്.
തിരുവനന്തപുരം തമ്പാനൂര്‍ എസ്‌ഐയായി സര്‍വീസില്‍ കയറിയ സുരേഷ് കുമാര്‍ ജില്ലയിലെ വിവിധിയിടങ്ങളില്‍ എസ്‌ഐ ആയും സേവനം ചെയ്തിട്ടുണ്ട്.
ഒട്ടേറെ പ്രമാദമായ കേസുകള്‍ ഇദ്ദേഹത്തിന്റെ നേതൃത്വത്തില്‍ തെളിയിച്ചിട്ടുണ്ട്. ഇടുക്കി എഎസ്പിയായി സേവനം ചെയ്തപ്പോഴാണ് വാഗമണ്ണിലെ ഡിജെ പാര്‍ട്ടി ഉള്‍പ്പെടെയുള്ള കേസുകള്‍ പുറത്തുവരുന്നത്.
തൃശൂര്‍ കോ ഓപ്പറേറ്റീവ് വിജിലന്‍സ് ഡിവൈഎസ്പിയായിരുന്ന കെ.എല്‍. സലിമോനെയാണ് കാഞ്ഞിരപ്പള്ളിയിലെ പുതിയ ഡിവൈഎസ്പി. തൃക്കാക്കര ഡിവൈഎസ്പി ആര്‍.ശ്രീകുമാറിനെ ചങ്ങനാശേരിയിലും, എറണാകുളം സെന്‍ട്രലില്‍ നിന്നും എ.ജെ. തോമസിനെ വൈക്കത്തേക്കും മാറ്റി.
പാലാ സബ് ഡിവിഷനില്‍ ഡിവൈഎസ്പിയെ മാത്രമാണ് മാറ്റി നിയമിക്കാത്തത്. തിരുവനന്തപുരം നര്‍ക്കോട്ടിക് സെല്‍ ഡിവൈഎസ്പിയായിരുന്ന ടി.ആര്‍. പ്രദീപ്കുമാറാണ് കോട്ടയം ക്രൈംബ്രാഞ്ചിലെ പുതിയ ഡിവൈഎസ്പി. കൊച്ചി കണ്ട്രോള് റൂം ഡിവൈഎസ്പി ഗിരീഷ് പി.സാരഥിയെ ജില്ലാ ക്രൈംബ്രാഞ്ച് ഡിവൈഎസ്പിയായും കുന്നങ്കുളത്തു നിന്നും അനീഷ് വി.കോരയാണ് ജില്ല സ്പെഷല്‍ ബ്രാഞ്ച് ഡിവൈഎസ്പിയായും നിയമിച്ചിരിക്കുന്നത്.
തിരുവനന്തപുരം ക്രൈംബ്രാഞ്ച് മൂന്നാം യൂണിറ്റി ഡിവൈഎസ്പി അമ്മിണിക്കുട്ടനാണ് കോട്ടയം ക്രൈംബ്രാഞ്ച് രണ്ടാം യൂണിറ്റ് ഡിവൈഎസ്പി. കാസര്‍കോട് ക്രൈംബ്രാഞ്ച് ഡിവൈഎസ്പി എം.എം. ജോസിനെയാണ് കോട്ടയം നര്‍ക്കോട്ടിക്ക് സെല്ലില്‍ നിയമിച്ചിരിക്കുന്നത്.
ഇവര്‍ക്കു പുറമെ ജില്ലയില്‍ നിരവധി സ്റ്റേഷനുകളിലെ എസ്എച്ച്ഒമാരെയും മാറ്റി നിയമിച്ചു ഇന്നലെ സംസ്ഥാന പോലീസ് മേധാവി ഉത്തരവിറക്കി. എസ്‌ഐമാര്‍ക്കും മാറ്റമുണ്ട്.
ജില്ലയിലേക്ക് മാറി എത്തിയ പുതിയ എസ്എച്ച്ഒമാര്‍
ബിന്‍സ് ജോസഫ് – തലയോലപ്പറമ്പ്, എം.ജെ. ഷൈജു – കാഞ്ഞിരപ്പള്ളി, സജീവ് ചെറിയാന്‍ – കുറവിലങ്ങാട്, കെ.ജെ. തോമസ് – കടുത്തുരുത്തി, എസ്. ഷിഹാബുദിന്‍- വൈക്കം, ടി. മനോജ് – കുമരകം, വി. സജികുമാര്‍- വാകത്താനം, കെ.പി. ടോംസണ്‍ – പാലാ, റിച്ചാര്‍ഡ് വര്‍ഗീസ് – കറുകച്ചാല്‍, ടി.ആര്‍. ജിജു- ചിങ്ങവനം, എന്‍.എം. ജോയി മാത്യു- രാമപുരം, നിർമല്‍ ബോസ് – കോട്ടയം വെസ്റ്റ്, സി.ആര്‍. രാജേഷ് കുമാര്‍ – ഏറ്റുമാനൂര്‍, കെ. ഷിജി- ഗാന്ധിനഗര്‍, എം.എസ്. രാജീവ് – പൊന്‍കുന്നം, എ.സി. മനോജ് കുമാര്‍- മണര്‍കാട്, എ. ഷൈന്‍ കുമാര്‍- മുണ്ടക്കയം, പ്രസാദ് ഏബ്രഹാം വര്‍ഗീസ് – ഈരാറ്റുപേട്ട, ആര്‍. മധു – അയര്‍ക്കുന്നം, കെ.ആര്‍. പ്രശാന്ത് കുമാര്‍- ചങ്ങനാശേരി, ജോസ് കുര്യന്‍ – മേലുകാവ്, കെ.ആര്‍. ബിജു – കിടങ്ങൂര്‍, റിജോ പി. ജോസഫ്- കോട്ടയം ഈസ്റ്റ്, എസ്. പ്രദീപ് – പള്ളിക്കത്തോട്, ജി. ഗോപകുമാര്‍- ക്രൈം ബ്രാഞ്ച് കോട്ടയം, അനൂപ് ജോസ്- ക്രൈം ബ്രാഞ്ച് കോട്ടയം, കെ.എസ്. ഗോപകുമാര്‍ – ക്രൈം ബ്രാഞ്ച് കോട്ടയം.
0 Comments