ഭാരത് ബയോടെക് നിർമിക്കുന്ന കൊവാക്സിനും വില പ്രഖ്യാപിച്ചു. സംസ്ഥാനസര്ക്കാരുകള്ക്ക് ഒരു ഡോസിന് 600 രൂപ നിരക്കിൽ വാക്സിൻ നൽകുമെന്ന് ഭാരത് ബയോടെക് അറിയിച്ചു. സിറം ഇൻസ്റ്റിറ്റ്യൂട്ടിന്റെ കോവിഷീൽഡും സംസ്ഥാനങ്ങൾക്ക് 400 രൂപ നിരക്കിലാണ് നൽകുന്നത്. കൊവാക്സിൻ കേന്ദ്രത്തിന് ഒരു ഡോസിന് 150 രൂപ നിരക്കിൽ തന്നെ നൽകുമ്പോൾ സ്വകാര്യ ആശുപത്രികൾ 1,200 മുടക്കേണ്ടിവരും.
ഉദ്പാദിപ്പിക്കുന്ന വാക്സിന്റെ 50 ശതമാനം കേന്ദ്രസർക്കാരിന് നൽകുമെന്നും ഭാരത് ബയോടെക് അറിയിച്ചു. സ്വകാര്യ ആശുപത്രികൾക്ക് ഇനി കേന്ദ്രസർക്കാർ വാക്സിൻ നൽകില്ല. ആശുപത്രികൾ നിർമാതാക്കളിൽ നിന്നു നേരിട്ടു വാങ്ങണം. കോവിഡ് വാക്സിനുകൾ സംസ്ഥാന സർക്കാരുകളും സ്വകാര്യ ആശുപത്രികളും ഇനി പണം കൊടുത്തു വാങ്ങണമെന്നതാണ് കേന്ദ്രത്തിന്റെ പുതുക്കിയ വാക്സിൻ നയം.
ഭാരത് ബയോടെക് കമ്പനിക്ക് കോവിഡ് വാക്സിൻ നിർമാണത്തിനായി 1,500 കോടി അനുവദിക്കുമെന്നു കേന്ദ്ര ധനമന്ത്രാലയം അറിയിച്ചി രുന്നു. പതിനെട്ടു മുതൽ 45 വരെ വയസിൽ താഴെയുള്ളവർ പണം നൽകി വാക്സിൻ എടുക്കണമെന്നതാണു കേന്ദ്രത്തിന്റെ പുതിയ തീരുമാനം. 45 വയസിനു മുകളിലുള്ളവർക്കു തുടർന്നും സൗജന്യമായി വാക്സിൻ നൽകിയേക്കും.
18 മുതൽ 44 വരെ വയസു വരെയുള്ള പാവപ്പെട്ടവർക്കും കുടിയേറ്റ, ദിവസക്കൂലി തൊഴിലാളികൾക്കും അവരുടെ കുടുംബാംഗങ്ങൾക്കും മറ്റും സൗജന്യ കുത്തിവയ്പു നൽകുന്നതിനുള്ള ചെലവ് അതതു സംസ്ഥാന സർക്കാരുകൾ വഹിക്കേണ്ടി വരും. സംസ്ഥാന സർക്കാരുകൾക്കു വലിയ സാന്പത്തിക ഭാരം വരുത്തിവയ്ക്കുന്നതാണു നരേന്ദ്ര മോദി സർക്കാരിന്റെ തീരുമാനം.
0 Comments