Latest News
Loading...

ആർ. ശ്രീലേഖ രാജി തീരുമാനം പിൻവലിച്ചു




തിരുവനന്തപുരം നഗരസഭയിലെ ബിജെപിയിൽ ഉയർന്നുവന്ന ആഭ്യന്തര തർക്കങ്ങൾക്കും അനിശ്ചിതത്വങ്ങൾക്കും താൽക്കാലിക ശമനം. 

ബിജെപി തിരുവനന്തപുരം കോർപ്പറേഷൻ കൗൺസിലറായ ആർ. ശ്രീലേഖ തന്റെ രാജി തീരുമാനം പിൻവലിച്ചു. 



.ബിജെപി നേതൃത്വം ഇടപെട്ട് നടത്തിയ ചർച്ചകളെയും അനുനയ നീക്കങ്ങളെയും തുടർന്നാണ് രാജി പിൻവലിക്കാൻ ശ്രീലേഖ തയ്യാറായതെന്ന് ബിജെപി വൃത്തങ്ങൾ വ്യക്തമാക്കുന്നു

കഴിഞ്ഞ ദിവസങ്ങളിൽ ഉയർന്ന അഭിപ്രായവ്യത്യാസങ്ങളെ തുടർന്നാണ് ശ്രീലേഖ കൗൺസിലർ സ്ഥാനം രാജിവെക്കാൻ തീരുമാനമെടുത്തത്. 


.ഇത് ബിജെപി പ്രാദേശിക നേതൃത്വത്തിലും പാർട്ടി വോട്ടർമാർക്കിടയിലും വലിയ ആശങ്കയ്ക്ക് ഇടയാക്കിയിരുന്നു. 

എന്നാൽ സാഹചര്യം വഷളാകാതിരിക്കാൻ പാർട്ടി മുതിർന്ന നേതാക്കൾ നേരിട്ടെത്തി ശ്രീലേഖയുമായി ആശയവിനിമയം നടത്തുകയും ഉയർന്ന പരാതികൾ പരിഹരിക്കാമെന്ന് ഉറപ്പുനൽകുകയുമായിരുന്നു.



.നേതൃത്വത്തിന്റെ ഉറപ്പിൽ തൃപ്തയായതോടെയാണ് രാജി പിൻവലിക്കാൻ ആർ. ശ്രീലേഖ തീരുമാനിച്ചതെന്ന് ബിജെപി നേതാക്കൾ അറിയിച്ചു. 

വരാനിരിക്കുന്ന തിരഞ്ഞെടുപ്പ് നീക്കങ്ങൾക്കും നഗരസഭയിലെ പാർട്ടി പ്രവർത്തനങ്ങൾക്കും ശ്രീലേഖയുടെ തീരുമാനം വലിയ ആശ്വാസമാണ് ബിജെപി ക്യാമ്പിന് നൽകിയിരിക്കുന്നത്. 

വരും ദിവസങ്ങളിൽ പാർട്ടി പ്രവർത്തനങ്ങളിൽ ശ്രീലേഖ വീണ്ടും സജീവമാകുമെന്നാണ് സൂചന.



.

Post a Comment

0 Comments