മൂവാറ്റുപുഴയില് ഷംഷാബാദ് ബിഷപ്പ് ജോസഫ് കൊല്ലംപറമ്പിലിന്റെ കാറിന് നേരെ ആക്രമണം. പെരുമ്പാവൂരിന് സമീപം ബിഷപ് സഞ്ചരിച്ച കാറും ലോറിയും തമ്മില് തട്ടിയിരുന്നു. ചെറിയ അപകടമായതുകൊണ്ട് തന്നെ ബിഷപ് പാലായിലേക്ക് യാത്ര തുടര്ന്നു. എന്നാല് ബിഷപിന്റെ കാറിനെ ലോറി പിന്തുടര്ന്നു. കാറിനെ പെരുമ്പാവൂരില് നിന്ന് പിന്തുടര്ന്നെത്തിയ ലോറി ഡ്രൈവറാണ് ആക്രമിച്ചത്.
മൂവാറ്റുപുഴ സിഗ്നലില് ബിഷപിന്റെ കാറിന് കുറുകെ ലോറിയിട്ട ശേഷം ഡ്രൈവറാണ് ആക്രമിച്ചത്. കാറിന്റെ ഹെഡ് ലൈറ്റും പുറകിലെ ലൈറ്റും അടിച്ചുതകര്ത്തു.
പൊലീസ് ഉള്പ്പെടെ സ്ഥലതെത്തിയപ്പോഴേക്കും ലോറി ഡ്രൈവര് സ്ഥലംവിട്ടു. കാര് ആക്രമിച്ച ലോറിയും ഡ്രൈവറെയും പൊലീസ് തിരിച്ചറിഞ്ഞു. പരാതി ലഭിക്കുന്ന മുറയ്ക്ക് തുടര്നടപടികള് സ്വീകരിക്കുമെന്ന് മൂവാറ്റുപുഴ പൊലീസ് വ്യക്തമാക്കി.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments