കേരള സർക്കാർ 1.58 കോടി മുതൽ മുടക്കി പൂവരണി ഗവ. യു. പി. സ്കൂളിന് നിർമിക്കുന്ന പുതിയ കെട്ടിടത്തിന്റെ നിർമാണ ഉദ്ഘാടനം ഒക്ടോബർ 24 വെള്ളിയാഴ്ച ഉച്ചക്ക് 12.00 മണിക്ക് മാണി സി.കാപ്പൻ എം. എൽ. എ. നിർവഹിക്കും. മീനച്ചിൽ പഞ്ചായത്ത് പ്രസിഡന്റ് . സോജൻ തൊടുകയിൽ അധ്യക്ഷത വഹിക്കുന്ന യോഗം ജോസ് കെ. മാണി എം. പി.ഉദ്ഘാടനം ചെയ്യും. ജില്ലാ പഞ്ചായത്ത് മെമ്പർ രാജേഷ് വാളിപ്ലാക്കൽ മുഖ്യപ്രഭാഷണം നടത്തും. ഫ്ലവേഴ്സ് ടോപ് സിംഗർ സീസൺ 6 മത്സരാർത്ഥി അഞ്ചാം ക്ലാസ്സ് വിദ്യാർത്ഥി കുമാരി മൈഥിലി ശ്യാമിനെ യോഗത്തിൽ അനുമോദിക്കും.
ബ്ലോക്ക് പഞ്ചായത്ത് മെമ്പർ ഷിബു പൂവേലിൽ, പഞ്ചായത്ത് വൈസ് പ്രസിഡന്റ് ലിൻസി മാർട്ടിൻ, മുൻ പഞ്ചായത്ത് പ്രസിഡന്റ് ജോയി കുഴിപ്പാല, പഞ്ചായത്ത് മെമ്പർമാരായ ബിജു റ്റി. ബി, ഇന്ദു പ്രകാശ്, നളിനി ശ്രീധരൻ, ലിസമ്മ ഷാജൻ, വിഷ്ണു പി. വി, ജയശ്രീ സന്തോഷ്, ബിജു ജേക്കബ്, ബിന്ദു ശശികുമാർ, ഡി. പി. സി. പ്രസാദ് കെ.ജെ., എ. ഇ. ഒ. സജി കെ. ബി., ബി. പി. സി. രാജ്കുമാർ കെ, ജോർജ് തോമസ്, ശ്രീകല കെ.ബി,ഷാജിമോൻ പി. വി., സിബി ജോസഫ്, നീതു ആന്റണി, ബെനീറ്റ ജിൻസ് എന്നിവർ ആശംസകൾ നേരും. ഹെഡ്മാസ്റ്റർ ഷിബുമോൻ ജോർജ് റിപ്പോർട്ട് അവതരിപ്പിക്കും. സംഘാടക സമിതി ചെയർമാനും വിദ്യാഭ്യാസ സ്റ്റാൻഡിങ് കമ്മിറ്റി ചെയർമാനുമായ സാജോ പൂവത്താനി സ്വാഗതവും സീനിയർ ടീച്ചർ സനുജ എസ്. നന്ദിയും പറയും.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments