തീക്കോയി സെൻ്റ്.മേരീസ് ഹയർ സെക്കൻഡറി സ്കൂളിലെ സ്കൗട്ട് ക്ലബ് കുട്ടികൾ ട്രാഫിക് നിയന്ത്രണം ഏറ്റെടുത്തു.. സ്കൂൾ പ്രവർത്തി ദിനങ്ങളിൽ തീക്കോയി പഞ്ചായത്ത് ജംഗ്ഷനിലെ തിരക്കേറിയ ട്രാഫിക് നിയന്ത്രണമാണ് സ്കൂളിലെ സ്കൗട്ട് കുട്ടികൾ ഏറ്റെടുത്തിരിക്കുന്നത്. ഈ പദ്ധതിയുടെ ഔദ്യോഗിക ഉദ്ഘാടനം പഞ്ചായത്ത് ജംഗ്ഷനിൽ തീക്കോയി ഗ്രാമപഞ്ചായത്ത് പ്രസിഡൻറ് കെ .സി ജെയിംസ് നിർവ്വഹിച്ചു.
ഈരാറ്റുപേട്ട ജനമൈത്രി പോലീസ് എസ്.ഐ. ബിനോയ് തോമസ് ട്രാഫിക് ബോധവൽക്കരണം നടത്തി. സ്കൂൾ പി ടി എ പ്രസിഡൻ്റ് ശ്രീ.ജോമോൻ പോർക്കാട്ടിൽ, വാർഡ് മെമ്പർ അമ്മിണി തോമസ് എന്നിവർ ആശംസകൾ നേർന്നു. തുടർന്ന് സ്കൂൾ ഹാളിൽ " കൗമാരം നേരിടുന്ന വെല്ലുവിളികൾ " എന്ന വിഷയത്തെ അടിസ്ഥാനമാക്കി ശ്രീ. ബിനോയ് തോമസ് ക്ലാസ് എടുത്തു. . ഹെഡ്മാസ്റ്റർ ശ്രീ.ജോ സെബാസ്റ്റ്യൻ പരിപാടികൾക്ക് നേതൃത്വം നൽകി.
.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments