കോട്ടയം ജില്ലയിലെ തന്നെ ഉയർന്ന സ്ഥലങ്ങളിൽ ഒന്നായ പൂഞ്ഞാർ തെക്കേക്കര പഞ്ചായത്തിലെ കൈപ്പള്ളി മുതുകോരമലയിൽ വൻ തീപിടുത്തം. വൈകുന്നേരം ആറരയോടെയാണ് തീ പടർന്നു തുടങ്ങിയത് ശ്രദ്ധയിൽപ്പെട്ടത്. റവന്യൂ ഭൂമിയായ ഇവിടെ കൃഷികളോ ജനവാസമോ ഇല്ല. കനത്ത വേനലിൽ ഉണങ്ങി വരണ്ട ഒരാൾ പൊക്കത്തിലുള്ള പുല്ലിൽ തീ ആളിപ്പടർന്നു.
ദൂരസ്ഥലങ്ങളിൽ നിന്നു പോലും തീ കത്തിപ്പടരുന്നത് ദൃശ്യമായിരുന്നു. അതേസമയം എല്ലാവർഷവും ഇത് പതിവുള്ളതാണെന്നാണ് പ്രദേശവാസികൾ പറയുന്നത്. ഉയർന്ന മലനിരകളും ദൃശ്യഭംഗിയും മുൻ വർഷങ്ങളിൽ സഞ്ചാരികളെ ഇവിടേക്ക് ആകർഷിച്ചിരുന്നു.
വേനൽക്കാലത്ത് ഓഫ് സീസണായതിനാൽ ആളുകൾ വരാറില്ല. മഴക്കാലമാകുന്നതോടെ പുല്ലു വീണ്ടും കിളിർക്കുകയും പഴയപടി ആവുകയും ചെയ്യും. വേനൽക്കാലത്ത് കൃഷിയിടങ്ങളിലേക്കും ജനവാസകേന്ദ്രങ്ങളിലേക്കും തീ പടരാതിരിക്കാൻ ആളുകൾ തന്നെ തീ ഇടുന്നതാണെന്നും പറയപ്പെടുന്നു. ഉയർന്ന മലനിരകളായതിനാൽ കാറ്റിൽ തീ അതിവേഗം ആളിപ്പടർന്ന് തനിയെ കെട്ടു പോവുകയാണ് പതിവ്.
വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ
0 Comments