ഇംഗ്ലണ്ടിന് 172 റണ്‍സ് ലക്ഷ്യം

ട്വന്റി ട്വന്റി ലോകകപ്പ് രണ്ടാം സെമിനഫൈനലില്‍ ഇംഗ്ലണ്ടിന്  173 റണ്‍സ് വിജയലക്ഷ്യം മുന്നോട്ട് വച്ച് ഇന്‍ഡ്യ. രോഹിത് ശര്‍മയുടെയും സൂര്യകുമാര്‍ യാദവിന്റെയും ബാറ്റിംഗ് കരുത്തിലാണ് ഇന്ത്യ ഭേദപ്പെട്ട സ്‌കോര്‍ നേടിയത്. ഇംഗ്ലണ്ടിന് വേണ്ടി ക്രിസ് ജോര്‍ദാന്‍ 3 ഓവറില്‍ 3 വിക്കറ്റ് വീഴ്ത്തി. 

ടോസ് നേടിയ ഇംഗ്ലണ്ട് ഇന്ത്യയെ ബാറ്റിംഗിന് അയയ്ക്കുകയായിരുന്നു. ഓസ്‌ട്രേലിയയ്‌ക്കെതിരെ നടത്തിയ ബാറ്റിംഗ് പ്രകടനം തുടര്‍ന്ന ക്യാപ്റ്റന്‍ രോഹിത് ശര്‍മ 39 ബോളില്‍ 57 റണ്‍ നേടി. ആറ് സിക്‌സറുകളും 2 ഫോറും ഉള്‍പ്പെടുന്നതായിരുന്നു രോഹിതിന്റെ സമ്പാദ്യം. 

പതിവുപോലെ കോഹ്ലി നിരാശപ്പെടുത്തി. ഇന്നിംഗ്‌സിലെ 16-മത്തെ ബോളില്‍ 9 ബോള്‍ നേരിട്ട വിരാട് 9 റണ്‍ സമ്പാദ്യവുമായി മടങ്ങി. പന്തിനെ കൂട്ടിപിടിച്ച് ആക്രമണം നടത്തിയ രോഹിത് സ്‌കോര്‍ 113ലെത്തിച്ചാണ് മടങ്ങിയത്. പിന്നാലെയെത്തിയ സൂര്യകുമാര്‍ 4 സിക്‌സും 2 ഫോറുമായി അര്‍ധസെഞ്ചുറിയ്ക്ക് 3 റണ്‍ അരികെ വീണു. 

പാണ്‍ഡ്യയും (23) ജഡേജയും (17) സാമാന്യം സംഭാവന ചെയതപ്പോള്‍ ശിവം ദുബെ നേരിട്ട ആദ്യപന്തില്‍ പുറത്തായി. അക്‌സര്‍ പട്ടേല്‍ 10 റണ്‍ നേടി. 

.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ