പ്രാർത്ഥനകൾ ഫലം കണ്ടില്ല ; പ്രാർത്ഥന മടങ്ങി

ബൈക്ക് അപകടത്തിൽ ഗുരുതര പരുക്കേറ്റ് ചികിത്സയിലായിരുന്ന ഇടുക്കി ചേമ്പുംകണ്ടം വിജയ വിലാസത്തിൽ പ്രാർത്ഥന (5) മരണത്തിന് കീഴടങ്ങി. പാലാ മാർ സ്ലീവാ മെഡിസിറ്റിയിൽ ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്.

തിങ്കളാഴ്ച ഉച്ചയ്ക്ക് കട്ടപ്പന - വണ്ടൻമേട് റൂട്ടിൽ മാലി ഭാഗത്തു വച്ചാണ് അപകടമുണ്ടായത്. പ്രാർഥനയും വല്യമ്മ കോതമണിയും കൂടി കടയിൽ നിന്നു സാധനങ്ങൾ വാങ്ങി വീട്ടിലേക്ക് നടന്നു പോകുന്നതിനിടെ ഇരുവരെയും ബൈക്ക് ഇടിച്ചു തെറിപ്പിക്കുക ആയിരുന്നു. പുറ്റടി , കട്ടപ്പന എന്നിവിടങ്ങളിലെ സ്വകാര്യ ആശുപത്രിയിൽ പ്രവേശിപ്പിച്ച ശേഷം പ്രാർഥനയെ വിദഗ്ദ ചികിത്സക്കായി പാലാ മാർ സ്ലീവാ മെഡിസിറ്റിയിലേക്ക് മാറ്റുക ആയിരുന്നു. 

കട്ടപ്പനയിൽ നിന്നും ഒന്നരമണിക്കൂർ കൊണ്ടാണ് ആംബുലൻസ് പാലായിലെത്തിയത്. അപകടത്തിൽ പ്രാർത്ഥനയുടെ തലച്ചോറിന് ഗുരുതര പരിക്കേറ്റിരുന്നു. ഇന്നലെ വൈകിട്ടോടെ സ്ഥിതി ഗുരുതരമാവുകയും പുലർച്ചെ മരണം സംഭവിക്കുകയും ആയിരുന്നു.

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ